Ўсимликларнинг вегетатив органлари. Илдиз ва унинг тузилиши, типлари ҳамда метоморфозларини ўрганиш ва гербарийлар тайёрлаш

Tiyonshan antoxlamisi - Anthochlamis tianschanica Iljin
Kamyoblik darajasi 1. Farg’ona vodiysida tarqalgan kamyob endem tur.
Qisqacha tavsifi. Bir yillik, sershox o’t o’simlik, bo’yi 30-90 sm, pastki qismi tuksiz, yuqori qismi qisqa, jingalak tukli. Gullari ikki jinsli, ro’vaksimon to’pgulda o’rnashgan. Changchisi 5ta. Gulqo’rg’oni pardasimon. Barglari oddiy, yassi, pastkilari nashtarsimon, bandli, yuqorigilari qalami, uchi o’tkir. Guloldi bargi nashtarsimon, uchi o’tkir, gulqo’rg’onidan uzun, mevasidan kichik. Mevasining eni 3 mm, uchi chuqurchali. Avgust va sentyabrda gullab, mevasi yetiladi. Tog’larning pastki qismlaridagi chag’irtoshli, tosh-chag’irtoshli tuproqlarda o’sadi. Asosan yakka-yakka xolda o’sadi. Ayrim joylarda kichik￾kichik jamoalar xosil qiladi. Soni aniqlanmagan. Urug’idan ko’payadi.
Tarqalishi. Farg’ona va Namangan viloyatlari: g’arbiy Tiyonshan (Farg’ona vodiysining shimoli-sharqiy, shimoli-g’arbiy qismi) da tarqalgan.
O’simlik soni va arealining o’zgarish sabablari. Ko’plab mol boqilishi tufayli kamayib ketgan.
Muhofaza choralari. Qo’riqlanmaydi.
Sertuk buzoqbosh - Halimocnemis lasiantha Iljin


Kamyoblik darajasi 2. Farg’ona vodiysidagi areali qisqarib borayotgan kamyob, endem o’simlik.
Qisqacha tavsifi. Bo’yi 25 sm ga yetadigan, asosidan shoxlanuvchi, tarvaqaylagan, qisqa tuklar bilan qoplangan, bir yillik etdor o’t. Barglari ingichka-qalami, uzunligi 20-40 mm, pastki tomoni qabariq, ustki tomoni yassi. Gulqo’rg’on bargchalari (5) yupqa, uzunligi 6-7 mm, o’tkir uchli. Mevasi konussimon, asosi yassi, uzun chalkash tuklar bilan qoplangan. Iyul-sentyabr oylarida gullab, meva beradi. Tabiatda yakka-yakka holda tarqalgan. Urug’idan ko’payadi.
Tarqalishi. Namangan, Farg’ona viloyatlari: Farg’ona vodiysida tarqalgan.
O’sish sharoiti. Tog’ etaklarida, tosh-shag’alli tuproqlarda, quruq o’zanlarda o’sadi.
O’simlik soni va arealining o’zgarish sabablari. Chorva mollari iste’mol qilishi va o’simlik tarqalgan yerlarning o’zlashtirilishi oqibatida kamayib bormokda.