Щзбекистон республикаси

3. Пона ариқчаларига ишлов бериш

Машина деталларида призматик ва сегмент шпонкалар учун ариқчалар тайёрланади. Призматик шпонкалар учун ариқчалар иккала томондан ёпиқ, иккала томондан ёки бир томондан очиқ бўлади.
Шпонка ариқчалари тузилишига қараб ҳар хил усулларда горизонтал-фрезалаш ва вертикал-фрезалаш ёки махсус дастгоҳларда тайёрланади.





8.8-расм. Дискли фреза билан шпонка ариқчасини фрезалаш

Учли фреза билан фрезалашда фреза вертикал сурилишда ариқчани тўлиқ чуқурлигига ботади, сўнгра ариқчани бутун узунлиги бўйича бўйлама сурилиш билан фрезалайди. Бунинг учун юқори қувватли дастгоҳ ва мойлаш-совитиш суюклиги керак. Бу усулнинг камчилиги шундан иборатки фреза диаметр бўйича ейилиб ариқчанинг эни ўзгаради.

Махсус шпонка-фрезалаш дастгоҳида «маятник сурилиш» билан учли икки спиралли фреза ёрдамида бир нечта юришда шпонка ариқчани фрезалаш мумкин (8.10-расм). ҳар бир юришда фреза вертикал йўналишда 0,1-0,3 мм га чуқурлашади. Бу усул серияли ва ялпи ишлаб чиқаришда кўлланилади ҳамда юқори аниқликка эга. «Маятник сурилиш» билан асосан ўзаро алмашинувчанлик бўйича юқори талаблар қўйилган шпонка ариқчалари фрезаланади. Лекин ишлов беришга вақт кўп сарфланганлиги сабабли бу усулнинг унумдорлиги анча пастдир.



8.9-расм. Учли фреза билан шпонка ариқчасини фрезалаш





8.10-расм. «Маятник сурилиш»билан шпонка ариқчасини фрезалаш

Иккала томони очиқ шпонка ариқчаларига рандалаш дастгоҳларида ишлов бериш мумкин. Узун валлар, масалан токарлик дастгоҳининг юриш валини шпонка ариқчалари бўйлама-рандалаш дастгоҳида рандаланади. Калта валларнинг шпонка ариқчалари асосан донали ва майда серияли ишлаб чиқариш шароитида рандаланади.

Сегмент шпонкаларнинг ариқчалари учли диск фрезалар ёрдамида очилади (8.11-расм).