Shohjahon normurodov

Quyidagi shakllar egalik qo‘shimchalari sanaladi:
birlik ko‘plik
I shaxs ona+m, yurt+im ona+miz, yurt+imiz
II shaxs ona+ng, yurt+ing ona+ngiz, yurt+ingiz
III shaxs ona+si, yurt+i ona+si, yurt+(-lar)i
ESLATMA: Egalik qo‘shimchalari odatda qaratqich kelishigidagi so‘zni talab qiladi: mening yurtim, kitobning varag‘i, ularning uyi va b.
TOPSHIRIQ-2.Egalik qo‘shimchalarining tagiga chizing.
1. Ena buvining xayoli allaqayoqlarga borib keldi. (G‘afur G‘ulom) 2. Kimyogar ba’zi ilmlar haqida suhbatlashgandan keyin uning zehniga, ma’lumotining kengligiga taajjublanganini yashirmadi. (Oybek) 3. Oradan ikki kun o‘tgandan keyin kechqurun Tesha Saidiyning hujrasiga keldi. (Abdulla Qahhor)
4. To‘ra ko‘zidan tilla oynagini olib, stol ustiga qo‘ydi va stol o‘rtasida yoyilib yotgan gazetaga qaradi. (Cho‘lpon) 5. Yuzimdagi yomg‘ir tomchilarini yengim bilan sidirib, tepamga qaradim. (O‘. Umarbekov)
Viloyat, shahar, tuman, korxona, muassasa nomlarida qo‘llangan III shaxs egalik qo‘shimchasi shaxsga qarashlilik ma’nosini emas, balki xoslik, umumdan ajratilganlik ma’nosini ifodalaydi. Shuning uchun bunday birikmalarda oldingi qism qaratqich kelishigida qo‘llanilmaydi. Masalan: Bobur bog‘i; Orol dengizi.
Alisher Navoiy bog‘i, o‘qish kitobi, Toshkent shahri, Do‘stlik tumani, Jizzax viloyati, Mustaqillik bayrami.
-i, -si egalik qo‘shimchasi bir qator so‘zlarda qaratqich kelishigidagi so‘zlar bilan bog‘lanmaydi. Bunday so‘zlarda ular yaxlitlanib qolgan. O‘z vazifasini yo‘qotgan: kechasi, kunduzi, tunlari kabi bu so‘zlar ravish turkumiga ko‘chgan so‘zlar sanaladi.
Sifatdosh va harakat nomlari tarkibidagi egalik qo‘shimchalari harakat bajaruvchisining shaxsi va sonini bildiradi. Shuning uchun qaratqich kelishigini olgan shaxs bildiruvchi so‘zning qo‘llanishiga ko‘pincha ehtiyoj bo‘lmaydi.MASALAN: 1. Bilganing naf keltirar. (Maqol) 2. O‘qiganim xotiramda muhrlanadi.
3.Yozuving yomon emas, o‘qishni o‘rgan.