Shofirkon maishiy xizmat kasb hunar kolleji «dasturlash asoslari»

Assign(f, `MyFile.Dat`)
Keltirilgan faylda f mantiqiy faylni MyFile.Dat fizik fayl bilan, u MS-DOS joriy diskning katalogida mavjud degan shartni hisobga olib, bog`lash bajariladi. Agar Assign protsedurasining harakatlari MS-DOS joriy qurilmalariga bog`liq emasligi talab qilinsa, unda faylning disk, kataloglar yo`li va fayl nomini ko`rsatuvchi to`la ismi eziladi, masalan:
Name:=`a:\ MyFiles\ MyFile.Dat`;
Assign (f, Name);
Fayllardan o`qish yoki yozish kabi qandaydir bir amallarni bajarish oldidan, bu fayllar ochilgan bo`lishi kerak.
Fayllarni ochish Reset va Rewrite protseduralari bilan, yopilishi esa Close protsedurasi bilan bajariladi.
Reset(f);
Rewrite(f);
Close(f);
Reset protsedurasi f faylli o`zgaruvchi bilan bog`liq bo`lgan mavjud fizik faylni ochadi. Agar f- matnli fayl bo`lsa, uni faqat ketma-ket foydalanish usuli bilan o`qib bo`ladi, agar f- turdoshlashtirilgan fayl bo`lsa, u ketma-ket va to`g`ridan-to`g`ri foydalanish usullari bilan o`qish uchun ham, yozish uchun ham ochiq bo`ladi. Ochilishda faylning joriy xonasi ko`rsatkichi uning boshiga o`rnatiladi.
Agar ko`rsatilgan ismli fizik fayl bo`lmasa, bajarish vaqti xatosi paydo bo`ladi, uni kompilyatorning {$I-}direktivasini o`chirish bilan yo`qotish mumkin. Direktivaning bunday ko`rsatmasida faylni ochish ishini tugatish natijasini IOResult funktsiyasi yordamida tahlil qilish mumkin. Funktsiya, agar ish muvaffaqiyatli bajarilsa, 0 qiymatni va, aks holda, xatolikning nolmas qiymatini beradi.
Rewrite protsedurasi, ismi f faylli o`zgaruvchi bilan bog`liq bo`lgan, yangi fizik fayl yaratadi. Agar shunday fayl mavjud bo`lsa, u yo`qotiladi va uning o`rnida yangi bo`sh fayl yaratiladi. Ochishda faylda joriy xonaning ko`rsatkichi uning boshiga o`rnatiladi.

11.4. Fayllar bilan ishlashning umumiy vositalari

11.4.1. System moduli protsedura va funktsiyalari
System modulining protsedura va funktsiyalarini hamma vaqt ham chaqirib bo`ladi va bu ishni bajarishda qo`shimcha modullar talab qilinmasligini eslatamiz. YUqorida ko`rib o`tilgan protsedura va funktsiyalardan tashqari, bu modul fayllar bilan ishlash uchun qayta nomlash, fayllarni yo`qotish va kataloglar bilan ishlash protseduralariga ham ega.
Kataloglar bilan ishlash protseduralari
System modulida kataloglar bilan ishlash uchun ChDir, MkDir,RmDir va GetDir protseduralar kiritilgan. Mazmuniga ko`ra ular MS DOSning shunday buyruqlariga o`xshash.


Fayllarni qayta nomlash va o`chirish protseduralari
Rename fizik fayllarni qayta nomlashga, Erase protsedurasi esa ularni o`chirishga xizmat qiladi. Bu protseduralar, qandaydir bir fizik fayl bilan bog`langan, lekin ular uchun faylni ochish ishi hali bajarilmagan faylli o`zgaruvchilar uchun qo`llaniladi. Quyidagi dastur avval MyFile.Dat faylini Resultga qayta nomlash, keyin esa uni o`chirishni namoyish etadi.