Шеробод тумани

IV.МАКТАБ МОДДИЙ-ТЕХНИКА БАЗАСИНИ РИВОЖЛАНТИРИШ

1. 
   Мактабнинг молия-хўжалик фаолияти
   

Мактабнинг молиявий маблағи давлат бюджети ва бюджетдан ташқари маблағлардан ташкил топади. Мактабнинг молиявий маблағлари унинг тўла ихтиёрида бўлади ва улар олиб қўйилишига йўл қўйилмайди. Мактаб маблағларини тақсимлаш ҳуқуқи Мактаб кенгашига тегишли ҳисобланади.

Мактабда бухгалтерия ва статистика ҳисоби ҳамда ҳисоботини юргизиш амалдаги қонун ҳужжатларига асосан амалга оширилади. Ҳисобга олиш ва ҳисоботларни юргизиш мактаб бухгалтери орқали амалга оширилади.

2. 
   Мактаб моддий-техника базаси
   

Мактабнинг моддий-техника базасига ер, бинолар, спорт иншоотлари, коммуникациялар, техник воситалар ва асбоб-ускуналар, транспорт воситалари, кутубхона фонди, лаборатория препаратлари, ўқув-кўргазмали қуроллар, мебеллар, таълим-тарбия жараёнларини ташкил этишда фойдаланадиган бошқа мулклар ҳам киради.

3. 
   Мактаб моддий-техника базасини ривожлантириш
   

Мактабнинг моддий-техника базасини мустаҳкамлаш ва ривожлантириш республика ва маҳаллий бюджетлар ҳисобидан, шунингдек, молиявий таъминлашнинг қўшимча манбалари, мактаб фонди ҳисобидан амалга оширилади.

4. 
   Бюджетдан ташқари маблағлар топиш
   

Мактабнинг хўжалик фаолиятидан, пулли хизматлардан, мактаб биноси ва жиҳозларини ижарага беришдан олинган даромадлар, ихтиёрий бадаллар, ҳомийликдан тушган даромадлар, мактабда ишлаб чиқилган маҳсулотларни сотишдан тушган даромадлар унинг бюджетдан ташқари маблағлари ҳисобланади.

Юқори ташкилотлар томонидан мактабларга пулли хизматларни ривожлантириш бўйича режалаштирилган топшириқлар берилишига йўл қўйилмайди. Пулли хизматларни кўрсатиш бюджетдан молиявий таъминланадиган фаолият ўрнига амалга оширилмаслиги ва пулсиз хизмат кўрсатиш даражасини камайтириш эвазига бўлмаслиги шарт.