Шеробод тумани

ЎЗБЕКИСТОН РЕСПУБЛИКАСИ
ХАЛҚ ТАЪЛИМИ ВАЗИРЛИГИ
СУРХОНДАРЁ ВИЛОЯТИ
ШЕРОБОД ТУМАНИ


12-СОНЛИ УМУМИЙ ЎРТА ТАЪЛИМ МАКТАБИ



ШЕРОБОД – 2020
Ушбу регламент 201__ йил ___ августда бўлиб ўтган мактаб
педагогика кенгашида (__-сонли баённома) тасдиқланган.

Келишилди: Сурхондарё вилояти, Шеробод тумани 12- сонли мактаб Касаба уюшмаси раиси ________ Н.ШОЙМУРОДОВ “___”_______20__ йил

Тасдиқлайман: Сурхондарё вилояти, Шеробод тумани 12- сонли мактаб директори ________ И.Ф.НУРИДДИНОВ “___”_______20__ йил

1. 
   УМУМИЙ ҚОИДАЛАР
   

1. 
   Умумий ўрта таълим мактаби фаолиятини ташкил этишнинг ҳуқуқий асослари
   

Президентимиз Шавкат Мирзиёевнинг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги фармонида 2017-2021 йилларда мамлакатимиз тараққиётини янада жадаллаштиришга доир устувор вазифалар белгилаб берилди. Ҳаракатлар стратегиясидаги бешта устувор йўналишлардан бирида таълим-тарбия тизимини тараққий эттириш масаласи ҳам ўрин олган.

Бунда халқ таълими тизимида кенг ислоҳотларни амалга ошириш орқали таълим-тарбия сифатини ошириш, янги мактаб бинолари барпо этиш, реконструкция қилиш, капитал таъмирлаш, уларни замонавий ўқув-лаборатория ускуналари, ахборот-коммуникация технологиялари ва ўқув-методик қўлланмалар билан тўлиқ таъминлаш каби қатор масалалар амалга оширилиши кўзда тутилган.
Бундан ташқари, олдимизда мактабгача таълим муассасалари тармоғини кенгайтириш, шарт-шароитларини тубдан яхшилаш, педагог ва мутахассисларнинг малакасини юксалтириш, мактабгача таълимга болалар қамровини ошириш ёшларга оид давлат сиёсатини такомиллаштириш каби долзарб вазифалар турибди.
Умумий ўрта таълимга қўйилаётган замонавий талабларни ҳисобга олган ҳолда умумий ўрта таълим муассасалари фаолиятини ташкил этиш тўғрисидаги норматив-ҳуқуқий ҳужжатларни такомиллаштириш, умумий ўрта таълимнинг ўрта махсус, касб-ҳунар таълими билан узвий алоқадорлигини таъминлаш мақсадида 2017 йил 15 мартда Вазирлар Маҳкамасининг 140-сон Қарори билан “Умумий ўрта таълим тўғрисида”ги Низом тасдиқланди.
Унга кўра, умумтаълим муассасалари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорларига, ушбу Низомга, бошқа норматив-ҳуқуқий ҳужжатларга, шунингдек ўз уставларига амал қилиши белгилаб қўйилган.