Шеробод тумани

7.2. Болаларни 1-синфга қабул қилиш.

Ўзбекистон Республикаси Халқ таълими вазирлигининг норматив-ҳуқуқий ҳужжатларида белгиланган тартибда янги ўқув йили учун шакллантирилган қабул режасига мувофиқ болаларни 1-синфга қабул қилиш амалга оширилади. Болаларни қабул қилиш ўқув йили бошлангунга қадар Педагогик кенгашда тасдиқланади ва буйруқ билан расмийлаштирилади.

Умумтаълим муассасаларининг I синфига 6-7 ёшли болалар тиббий хулосага мувофиқ қабул қилинади.
Тегишли йилнинг 31 августига қадар 6,5 ёшга тўлмаган, I синфда ўқиш истагини билдирган болаларнинг ота-оналари билан умумтаълим муассасасининг педагог ходимлари ва психологи томонидан болани мактабда ўқишга жисмонан ва руҳан тайёрлаш бўйича тушунтириш ишлари олиб боради.
Мактаб ёшидаги болаларни тиббий кўрикдан ўтказиш тартиби Ўзбекистон Республикаси Соғлиқни сақлаш вазирлиги томонидан Халқ таълими вазирлиги билан келишилган ҳолда белгиланади.(Вазирлар Маҳкамасининг 2017 йил 15 мартдаги 140-қарори)


7.3. Ўқувчиларни мактабдан-мактабга қабул қилиш

Ўзбекистон Республикаси Халқ таълими вазирлигининг норматив-ҳуқуқий ҳужжатларида белгиланган тартибда, тааллуқлилигига кўра вазирлик, вилоят халқ таълими бошқармаси ёки туман халқ таълими бўлими билан келишилган ҳолда амалга оширилади ва буйруқ билан расмийлаштирилади.

7.4. Ўқувчиларни синфдан-синфга кўчириш

Ўзбекистон Республикаси Халқ таълими вазирлигининг норматив-ҳуқуқий ҳужжатларида белгиланган тартибда, УЎТ тўғрисидаги низом ва ДТС талабларига мувофиқ амалга оширилади. Ўқувчиларни синфдан-синфга кўчириш ўқув йили бошлангунга қадар Педагогик кенгашда тасдиқланади ва буйруқ билан расмийлаштирилади.

Изоҳ: 7 бўлим умумий ўрта таълимга оид мейёрий хужжатлар асосида шакллантирилди.2017 йил 15 мартдаги ВМнинг 140-қарори, ВМнинг 2017 йил 6 апрелдаги 187-қарори


VIII. ПЕДАГОГИК ЖАРАЁНЛАРНИ ТАШКИЛ ЭТИШ ВА БОШҚАРИШ