Шеробод тумани

6.2. Хизмат кўрсатувчи ходимларни ишга қабул қилиш ва бўшатиш

Хизмат кўрсатувчи ходимларни ишга қабул қилиш ва бўшатиш Ўзбекистон Республикасининг Конституциясига, Ўзбекистон Республикаси Меҳнат Кодекси ва бошқа қонун ҳужжатларида белгиланган меъёрларга мувофиқ мактаб директори томонидан амалга оширилади.

6.3. Дарс тақсимоти

Фанлар бўйича ўқитувчиларга дарс тақсимоти мактаб раҳбарлари томонидан Ўзбекистон Республикаси Меҳнат Кодекси, Ўзбекистон Республикаси Халқ таълими вазирлигининг норматив-ҳуқуқий ҳужжатларида белгиланган тартибда амалга оширилади ва Мактаб кенгашида тасдиқланади.

6.4. Ходимларни рағбатлантириш

Ходимларни рағбатлантириш амалдаги қонунчиликка мувофиқ мактаб раҳбарлари ва Касаба уюшмаси тавсиялари асосида педагогик кенгаш қарорига кўра директор буйруғи билан амалга оширилади

Изоҳ: Ўзбекистон Республикаси Меҳнат кодекси


VII. ЎҚУВЧИЛАРНИ МАКТАБГА ҚАБУЛ ҚИЛИШ


7.1. Янги ўқув йили учун қабул режасини шакллантириш

Ўзбекистон Республикаси Халқ таълими вазирлигининг норматив-ҳуқуқий ҳужжатларида белгиланган тартибда мактаб жойлашган ҳудуд кесимида яшовчи аҳоли эҳтиёжларидан келиб чиқиб, ҳар йили келгуси янги ўқув йили учун қабул режаси шакллантирилади ва Мактаб кенгашида тасдиқланади.

Мактаб ёшидаги болаларни умумий ўрта таълимга қамраб олиш туман (шаҳар) ҳокимликларининг қарори билан умумтаълим муассасаларига бириктирилган ҳудудлар (микроҳудуд) доирасида умумтаълим муассасаси педагог ходимлари томонидан болаларни бирма-бир (уйма-уй) рўйхатга олиш орқали амалга оширилади.
Умумтаълим муассасалари, маҳаллий давлат ҳокимияти органлари ва ҳудудий халқ таълими бошқарув органлари мактаб ёшидаги болаларни умумий ўрта таълимга, умумтаълим муассасаси битирувчиларини ўрта махсус, касб-ҳунар таълими муассасаларига тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўради.
Умумтаълим муассасаси раҳбарияти мазкур муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисобланади.
Мактаб ёшидаги болаларни умумтаълим муассасасига жалб этиш тартиби Ўзбекистон Республикаси Халқ таълими вазирлиги томонидан белгиланади.(140-қарор)