Шартнома № «Е» блок 153-дўкон

3. ҲИСОБ-КИТОБ ТАРТИБИ.
3.1. «Сотувчи» томонидан сотилган «Харидор» томонидан сотиб олинган товарларнинг тўлови қуйидаги график асосида амалга оширилади.

САНА:
Тўлов суммаси:

САНА:
Тўлов суммаси:

4. СОТУВЧИНИНГ ҲУҚУҚ ВА МАЖБУРИЯТЛАРИ.
4.1. «Сотувчи»нинг ҳуқуқлари:
4.1.1. Шартномани ижроси (тузиш, бекор қилиш, ўзгартириш ) билан боғлиқ бўлган маълумотлар ва бошқа хужжатларни «Харидор» дан сўраши ва олиши;
4.1.2. Давлат органлари, суд ва бошқа ҳуқуқни муҳофаза қилувчи органлар, мансабдор шахсларга илтимосномалар билан мурожаат этиш ҳамда шикоятлар бериш ҳамда улардан асослантирилган ёзма жавоблар олиш;
4.1.3. «Харидор» шартномада кўрсатиб ўтилган тўлов графигида белгиланган тўлов муддатларини бузса ва шартнома мажбуриятларини бажармаса ёки лозим даражада бажармаганда, товарни сотиб олиш учун ҳақиқий бўлмаган (қалбаки) ҳужжатларни тақдим этганлиги аниқланганда тегишли жавобгарлик масаласини ҳал этиш учун ҳуқуқни муҳофаза қилувчи органларга ва шартномани бир томонлама бекор қилиш ҳамда сотилган товарларни қийматини ундириш ҳақидаги даъво аризаси билан судга мурожаат қилиши;
4.2. «Сотувчи»нинг мажбуриятлари:
4.2.1 «Сотувчи» Ўзбекистон Республикасининг “Тадбиркорлик фаолиятини эркинлигининг кафолатлари тўрисида”ги, “Истеъмолчиларнинг ҳуқуқларини ҳимоя қилиш тўғрисида”ги ва бошқа амалдаги қонун ва қонун ости ҳужжатларда белгиланган мажбуриятларни бажаради;
4.2.2. «Харидор» талабига мос бўлган керакли сифатдаги ва миқдордаги ҳамда ассортиментдаги товарларни сотиб олишни таклиф этади.
5. «ХАРИДОР» НИНГ МАЖБУРИЯТЛАРИ:
5.1. «Сотувчи» дан талабига мос бўлган керакли сифатдаги ва миқдордаги ҳамда ассортиментдаги товарларни кўриб, сотиб олиши;
5.2. «Товар»нинг сифати, ассортименти, тараси, қадоғи ёки таклиф этилган нархи юзасидан эътирози бўлса алмаштиришни ёки сотиб олмаслигини билдириши;
5.3. Ҳуқуқлари ва қонуний манфаатларини ҳимоя қилишнинг қонунда назарда тутилган воситалари ва усулларини қўллаши ҳамда бошқа қонун ҳужжатларида назарда тутилган ўзга ҳуқуқларга эга бўлади;
5.4. «Харидор» товарнинг тузилишига, таркибига доир камчиликларни ёки бошқа нуқсонларни аниқлаган тақдирда «Сотувчи» дан уни айни шундай маркали (моделли, артикулли) товарга етти кунлик муддатда, товар сифатини «Сотувчи» томонидан қўшимча равишда текшириш зарур бўлганида эса, ўзи талаб қўйган пайтдан эътиборан йигирма кун ичида алмаштириб олиши;
5.5. Шартномад кўрсатиб ўтилган тўлов графигида белгиланган тўлов муддатларини бузмаган ҳолда тўловларни ўз вақтида тўлаши ҳамда шартнома мажбуриятларини тўлиқ равишда бажариши;
5.6. Сотиб олинган товарни тўловини тўлиқ тўламасдан, муддатида тўлаб боришни таъминламасдан ёки «Сотувчи» га маълум қилмасдан узоқ муддатга чет давлатга чиқиб кетмаслиги;
5.7. Сотиб олинган товарларни ёки бир қисмини сотиш ёки бошқа йўллар билан бегоналаштириш, бегона шахсларга бериш, ижарага бериш, гаровга қўйиш ҳамда учинчи шахслар фойдасига ўз мулкига нисбатан бошқа имтиёзли ҳуқуқларни вужудга келтириш мумкин эмаслиги;
5.8. Товар сотиб олган вақтда «Сотувчи» га тақдим этган шахсини тасдиқловчи ҳужжатдаги барча ўзгаришлар, иш жойи ҳамда яшаш жойининг ўзгарганлиги тўғрисида 5 календар кунидан кечиктирмай хабардор қилиши лозим.
5.9. Сотиб олган товарини муддатли тўловини, кетма-кет равишда икки маротаба амалга оширмаса, шартнома талабини бузган ҳисобланиб, «Сотувчи» шартнома бўйича олинган товарнинг умумий суммасини «Харидор» дан ундиришни талаб қилиб судга мурожаат қилишига асос бўлади.