Шарқ мутафаккирларининг indd

ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ “ОИЛА” ИЛМИЙ– АМАЛИЙ ТАДҚИҚОТ МАРКАЗИ

Музайямхон Фармонова


ШАРҚ МУТАФАККИРЛАРИНИНГ МАЪНАВИЙ МЕРОСИДА ФАРЗАНД ТАРБИЯСИ
(Илмий-услубий қўлланма)
«TASVIR NASHRIYOT UYI»
Тошкент – 2020

UO’K 37.018.11
KBK 74.90
Ф 25


Фармонова, Музайямхон
Шарқ мутафаккирларининг маънавий меросида фарзанд тарби- яси. / Илмий-услубий қўлланма. – Тошкент: «Tasvir nashriyot uyi», 2020, 36 б.
Ўзбекистон Республикаси Вазирлар Маҳкамаси ҳузуридаги “Оила” илмий-амалий тадқиқот маркази директори, тиббиёт фан- лари номзоди Дилором Ташмуҳамедованинг умумий таҳрири остида тайёрланди.
Тақризчи:
Муҳиба Ҳамидова – филология фанлари номзоди.


Мазкур илмий-услубий қўлланмада шарқ мутафаккирларининг оила, унда фарзанд тарбияси, ёш авлодни ҳар томонлама етук, баркамол ва ва- танпарвар этиб камол топтириш ҳақидаги қарашлари ва фикр-мулоҳаза- лари баён этилган.
Қўлланма оилалар, ёш ота-оналар, таълим муассасалари, маҳал- ла фуқаролар йиғинлари мутахассислари ва фаоллари, ушбу соҳада изланишлар олиб бораётган тадқиқотчилар ҳамда кенг жамоатчиликка мўлжалланган.

Ўзбекистон Республикаси Вазирлар Маҳкамаси ҳузуридаги “Оила” илмий-амалий тадқиқот маркази Илмий-услубий кенгаши- нинг 2018 йил 14 сентябрдаги 4-сонли йиғилиш баённомаси билан нашрга тавсия этилган.

UO’K 37.018.11
KBK 74.90

ISBN 978-9943-5797-9-8 _{© “Оила” ИАТМ} 2020

СЎЗБОШИ

Улуғ мутафаккирлар, олиму фузалолар, азиз-авлиёлар Ва- тани бўлмиш Ўзбекистонимизда кейинги вақтларда халқи- мизнинг эзгуликка йўғрилган анъаналари, урф-одатларини қайта тиклаш ҳамда ривожлантириш, муқаддас қадамжолар ва обидаларни ободонлаштириш, ёш авлодни бой тарихимиз- га ҳурмат, ватанпарварлик ва одамийлик фазилатлари руҳида вояга етказишга алоҳида эътибор қаратиб келинмоқда.

Ўзбекистон Республикаси Президенти Шавкат Мирзиёев- нинг “Биз таълим ва тарбия тизимининг барча бўғинлари фаолиятини бугунги замон талаблари асосида такомиллашти- ришни ўзимизнинг биринчи даражали вазифамиз деб била- миз”, – деган фикри, шунингдек, Фитратнинг “Халқнинг аниқ мақсад сари ҳаракат қилиши, давлатманд бўлиши, бахтли бў- либ иззат-ҳурмат топиши, жаҳонгир бўлиши ёки заиф бўлиб хорликка тушиши, бахтсизлик юкини тортиши, эътибордан қолиб, ўзгаларга тобе ва қул, асир бўлиши уларнинг ўз ота- оналаридан болаликда олган тарбияларига боғлиқ¹”, – деган фикрларига давлатимиз раҳбарининг алоҳида урғу бериши зиммамизда халқ манфаатлари, фарзандлар келажаги, улар- нинг тарбиясига оид масъулият нечоғли юқори эканидан да- лолатдир. Зеро, фарзандлар бизнинг келажагимиз, улар ота- она ва аждодларимиз ишининг давомчилари ҳисобланади.
Яна Президентимиз эътироф этганидек: “Ўз миллий тарихи ва маданиятига, дунёда энг катта бойлик бўлган интеллектуал ва маънавий салоҳиятга чуқур ҳурмат билан ёндашиш, уни асраб- авайлаш ва бойитиш, шу асосда ёш авлодни миллий ва умумин- соний қадриятлар руҳида тарбиялаш жаҳондаги ҳар бир давлат
¹ Мирзиёев Ш.М. 2016. 8 декабрь. “Халқ сўзи” газетаси.
ва жамиятнинг моддий ва маънавий тараққиётида, ҳеч шубҳасиз, ҳал қилувчи ўрин эгаллайди”². Ушбу қўлланмадан ота-оналар, маҳалла фаоллари, таълим муассасалари ва ёшлар фойдалани- ши назарда тутилиб, мутафаккирларнинг миллий фазилатлар, қадриятлар, одоб-ахлоқ, тарбия ҳақидаги фикр-мулоҳазалари, ўгитлари ва ҳикматлари таҳлиллар асосида ёритилди.