Шахс ва жамият ўқитувчи учун услубий қўлланма

Ф ФИКР
Ҳар бир киши ўз ҳатти-ҳаракати учун шахсан жавобгардир.
С САБАБ	Бу фикрни шунинг учун келтирдимки, мен бир киши қилган иш учун бир неча кишини жазоланганига гувоҳ бўлганман (Мисоллар ёки вазият тушунтириб берилиши мумкин).
И ИЗОҲ	Жавобгар киши жазоланса адолат ғалаба қилади.

Бундай карточкалар тўлдирилиши учун, мисол тариқасида ўқитувчи томонидан қуйидаги саволлар берилиши мумкин:

• 
  Сиз диний ақидапарастликнинг моҳиятини қандай тушунасиз?
  
• 
  Ўзбекистонга диний ақидапарастлик ва фундаментализм қандай хавф туғдириши мумкин?
  

Гуруҳлар карточкаларни қатъий кетма-кетликда, яъни аввал Ф, кейин С, ниҳоят И карточкани тўлдиришлари керак. Агарда вақт бор бўлса машқ бажаришда ҳар бир гуруҳга уларга берилган саволларга жавоб беришга имкон бериш керак. Шундай қилинса гуруҳларнинг жавобини осонроқ ва объектив баҳолаш имкони туғилади.
6. Дарс давомида гуруҳларнинг ҳар бири ва алоҳида фаол ўқувчиларда маълум миқдорда балл тўплаш имкони бўлади. Ўзига хос ва қизиқарли жавоблар рағбатлантирилади.
7. Уйга вазифа.
Қуйидаги жадвални тўлдиринг:

Янги мавзудан сиз нималарни аниқлаб олдингиз?	Қандай билимларга эга бўлдингиз?	Сиз нималарга кўпроқ эътибор қаратган бўлар эдингиз?

10-мавзу. Халқаро муносабатлар жаҳон тараққиётининг кўзгуси.
Дарснинг мақсади: ўқувчиларга халқаро муносабатлар, халқаро муносабатларнинг ҳуқуқий жиҳатлари, халқаро муносабатларда умуминсоний қадриятларнинг устуворлиги, давлатлар ўртасида ўзаро муносабатларни барқарорлаштиришда халқаро ташкилотларнинг роли ҳақида билим бериш.
Кутилаётган натижа: Ҳозирги замонда халқаро муносабатларнинг ўзаро манфаатли характерини тушуниб олишга эришиш. Халқаро ҳуқуқнинг асосий тамойиллари барча давлатлар учун баравар бўлган олий даражадаги мажбуриятлар эканлиги ва уларнинг ҳеч бир давлат томонидан ҳам, уларнинг ўзаро келишуви бўйича ҳам бекор қилиб бўлмаслиги ҳақида хулосага келиш.
Асосий ғоя: Давлатларнинг ўз халқаро мажбуриятларини бажаришлари халқаро муносабатларда тинчлик ва барқарорликни сақлашнинг шартидир.
Дарснинг жиҳозлари:

1. 
   "Шахс ва жамият" ўқув қўлланмаси.
   
2. 
   Дунёнинг сиёсий харитаси.
   
3. 
   Доска, бўр.
   
4. 
   Олдиндан тайёрланган кўргазмали қуроллар.
   
5. 
   Халқаро ташкилотлар ҳақидаги адабиётлар.
   

Тарқатма материаллар: Олдинги дарс бўйича ўқувчилар билимини текширишга мўлжалланган карточкалар.
Таянч тушунчалар:
- халқаро муносабатлар; - халқаро ҳуқуқ тамойиллари;
- халқаро ҳуқуқ; - умуминсоний қадриятлар;
- икки томонлама ва кўп томонлама
шартномалар; - халқаро ташкилотлар;
- давлатларнинг мажбуриятлари; - ички ва ташқи сиёсат.
Дарс режаси: