Шаҳарсозлик нормалари ва қоидалари

Органик боғловчилар қўлланилганда ишларни бажариш қоидалари
6.16 Органик боғловчилар билан мустаҳкамланган грунтлардан асос ва қопламалар қуриш ҳаво ҳарорати 10 °С дан паст бўлмаган қуруқ ҳавода рухсат этилади. Грунтларни битум эмульсияси билан аралаштириш ҳаво ҳарорати 5 °С дан паст бўлмаганда рухсат этилади.
Таркибига органик боғловчилар киритишдан олдин йирик бўлакли ва қумли грунтларнинг намлиги 2-5 % га, гилли грунтларники эса грунтнинг оқув-чанлик чегараси намлигининг 0,2-0,4 га тенг бўлиши керак.
6.17. Аралашмаларни тайёрлашда 6.1, 6.2, 6.5-бандларнинг кўрсатмаларига амал қилиниши лозим.
6.18. Гилли грунтларни органик боғловчилар билан аралаштириш, одатда, бир ёки кўп марта ўтадиган грунт аралаштириш машиналари ёрдамида ара-лашмани жойда тайёрлаш усули билан амалга оширилиши керак.
6.19. Органик боғловчилар анорганик боғловчилар билан биргаликда иш-латилганда ёки фақат органик боғловчилар қўлланилганда аралашмани тайёр-лаш учун оптимал намликка тўғри келадиган сув миқдорини киритилаётган ор-ганик боғловчи миқдорида ёки, агар органик боғловчи эмульсия кўринишида киритилаётган бўлса, эмульсия таркибидаги сув ва боғловчи миқдорида камай-тирилиши лозим.
6.20. Стационар аралаштириш қурилмаларида йирик бўлакли, қумли грунтларни, супесларни оғирлигининг кўпи билан 20 фоизи миқдорида суюқ битум, тошкўмир қатрони, битум эмульсияси ва фаол қўшимчалар билан ара-лаштираётганда, шунингдек грунтни битум эмульсияси ёки цемент билан бир-галикда суюқ битум (қатрон) билан аралаштираётганда, боғловчи моддалар, қўшимчалар (туйилган сўндирилмаган оҳакдан ташқари) ва сувни бир вақтнинг ўзида тўлиқ ҳажмда киритиш лозим.
6.21. Фаол қўшимча сифатида туйилган сўндирилмаган оҳакдан фойдала-нилганда, уни грунт устига ёйиш ва аралаштириш керак.
Аралаштириш қурилмасида грунтга органик боғловчилар билан навбатда-ги ишлов беришни оҳак киритилгандан сўнг камида 12 h дан кейин, 24 h дан кечиктирмасдан амалга ошириш рухсат этилади.
Сўндирилмаган оҳакни киритишдан олдин грунтнинг намлиги оҳак гидра-тациясини таъминлаши керак.
6.22. Грунтларни органик боғловчилар билан аралаштираётганда органик боғловчи грунтга ёки қўшимчали грунт аралашмасига бир мартада киритилиши лозим.
6.23. Грунтларни суюқ карбамид формальдегид смоласи билан мустаҳкам-лаётганда, уларни мажбурий аралаштириш қурилмаларида боғловчи ва минерал материалларни қиздирмасдан аралаштириш лозим. Смола қотирувчи қўшимча билан бирга ишлатилиши керак. Грунт ва қотирувчи қўшимчали смола аралаш-тириш қурилмасига бир вақтда киритилиши лозим.
Кукунсимон қотирувчилардан фойдаланилганда, грунтни қотирувчи билан олдиндан аралаштириш рухсат этилади.
Сақлаш муддати икки ойдан ортиқ бўлган смола (агар у техник талабларга жавоб берса) ишлатилганда, шунингдек ҳаво ҳарорати 25 °С дан юқори бўлган-да олдин смола-битум боғловчи, кейин эса қотирувчи киритилиши лозим.
6.24. Грунтларни битум ёки гудрон эмульсияси қўшилган суюқ карбамид формальдегид смоласи билан мустаҳкамлаётганда, боғловчи қиздирмасдан ол-диндан аралаштирилиши лозим.
Ҳосил бўлган смола-битум боғловчини қотирувчисиз кўпи билан уч сутка сақлаш мумкин.
6.25. Аралашмалар 6.8, 6.9-бандлар талабларига мувофиқ ётқизилиши керак.
6.26. Битум эмульсияси ва оҳак билан, битум эмульсияси ёки цемент қў-шилган суюқ битум билан, ёки карбамид формальдегид смоласи билан мустаҳ-камланган грунтлар аралаштириш қурилмасида аралашма қайта аралаштириб бўлингандан кейин 24 h дан кечиктирмасдан зичланиши керак.
Аралашмани зичлаш пневматик шинали ўзи юраар катоклар ёки вибраци-он катоклар билан 6.10-банд талабларига мувофиқ бажарилиши керак.
Органик боғловчилар билан ишлов берилган грунтларни зичлаш аралашма ётқизилгандан кейин бир сутка ичида якунланиши лозим.
Агар грунтни зичлаш нам ҳаво шароитида ва ҳаво ҳарорати 15 °С дан паст бўлганда бажарилган бўлса, цемент ёки карбамид формальдегид смоласи қўшилган грунтлар учун кўпи билан икки суткадан кечиктирмасдан, оҳак қў-шилган грунтлар учун эса тўрт суткадан кечиктирмасдан қайта зичлаш рухсат этилади.
6.27. Цемент қўшмасдан органик боғловчилар билан мустаҳкамланган грунтларнинг зичланиш коэффициенти зичланган қатламдан олинган мустаҳ-камланган грунтнинг қуритилган намунаси зичлигининг оптимал намликда 30 МPа (300 kgf/сm²) юк остида, грунтнинг органик боғловчилар қўшилган аралашмасига цемент ёки карбамид формальдегид смоласи қўшилганда эса 15 МPа (150 kgf/сm²) юк остида зичланган аралашма зичлигига нисбати сифатида белгиланиши лозим.
6.28. Битум эмульсияси ёки суюқ битум ва цемент билан мустаҳкамланган грунт қатламига ҳаво ҳарорати 15 °С дан юқори бўлган ва ёғингарчилик бўлмаган шароитларда (0,8-1) dm³/m² миқдорда битум эмульсияси қуйиш йўли билан қараб туриш керак.
Юқори қатлам 1-2 d дан кечиктирмасдан қурилганда қараб туриш талаб этилмайди.
6.29. Органик боғловчилар билан мустаҳкамланган грунт қатлами устидан қурилиш транспорти ҳаракати 6.15-банд талабларига мувофиқ рухсат этилади.