Шаҳарсозлик нормалари ва қоидалари

Аэродромлар

ҚМҚ 3.06.06-97 ўрнига

1. УМУМИЙ ҚОИДАЛАР
1.1. Мазкур Шаҳарсозлик нормалари ва қоидалари (кейинги ўринларда - қоидалар) турли мақсад ва синфдаги барча аэродромлар, шунингдек вертодром-ларни қуриш, қайта қуриш, кенгайтириш ва техник қайта жиҳозлаш ишларига жорий этилади.
1.2. Аэродромлар қурилишида мазкур қоидалардан ташқари қурилишни ташкил этиш лойиҳаси, шунингдек хавфсизлик техникаси ва ишлаб чиқариш санитариясига доир норматив ҳужжатлар талабларига риоя қилиниши лозим.
1.3. Аэродромларни қурилишида атроф-муҳитни муҳофаза қилиш бўйича чора-тадбирлар қабул қилиниши керак. Технологик ечимда атроф-муҳитга зарар етказмаслик кўзда тутилиши ва табиий мувозанатнинг барқарор ҳолати сақланиши таъминланиши шарт.
Аэродром қурилиши учун ажратилган ҳудуд ташқарисида чимзор-ўсимлик қатламига шикаст етказиш, ерни текислаш, қуритиш, захни қочириш ишларини амалга ошириш рухсат этилмайди. Муваққат иншоотлар ва йўллар, қурилиш транспорти йўллар, машиналарнинг тўхташ жойлари, материалларни қўйиш учун жойлар ва бошқа мақсадлар учун вақтинчалик ажратилган ерларда табиий муҳитга етказилган барча зарарлар аэродром фойдаланишга топшириладиган вақтга қадар бартараф этилиши керак.
Ишларни бажариш усулларини ва механизация воситаларини танлашда тегишли санитария меъёрларига, атмосфера ва сув ҳавзаларига ифлослантирув-чи моддаларни чиқаришнинг охирги йўл қўйиладиган меъёрларига амал қилиш ва табиий муҳит ҳамда атрофдаги ер-мулкка кўрсатиладиган зарарли таъсир-ларнинг бошқа турларини бартараф этиш ёки уларни иложи борича камайти-риш лозим.
1.4. Тош материаллар (чақиқ тош, шағал), одатда, темир йўл бўйидаги бун-кер қурилмаларига ёки майдончаларга туширилиши лозим. Минерал материал-лар сақланадиган майдончаларда сувни чиқазиб юбориш учун оқова ариқлари бўлган такомиллаштирилган қоплама қурилиши лозим.
1.5. Аэродром тўшамаси қатламларини қуриш ишлари ҳар бир тайёр қат-лам бўйича аниқланмаган ишлар ўрнатилган тартибда комиссия кўригидан ўтказилгандан кейин бажарилиши лозим.

«Ўзавтойўл» ДАК Автомобиль йўллари илмий-текшириш институти томонидан киритилган