Шаҳарсозлик нормалари ва қоидалари

Қишки даврда ва баҳорги лойгарчиликда ишларни бажаришнинг ўзига хос жиҳатлари
5.23. Қиш вақтида асосларни салбий ҳарорат тушгунга қадар тўлиқ қуриб бўлинган (лойиҳага мувофиқ) грунт асосда қуриш рухсат этилади.
5.24. Асослар қурилиши грунт асос бир сменада қуриладиган участкада қор ва муздан тозалангандан кейин бошланиши лозим. Қор ёға бошлаганда ва қор бўрони пайтида ишлар тўхтатилиши керак.
5.25. Машиналар сони асосни материаллар музлагунга қадар тўлиқ зичлаш имконияти ҳисобидан белгиланиши керак.
5.26. Ҳаво ҳарорати 0 дан 5 °С гача бўлган вақтда материалларни ёйиш ва зичлаш ишларининг давомийлиги тахминан 4 h дан, янада паст ҳароратларда - 2 h дан ошмаслиги керак. Иккинчи ҳолатда, материалнинг намлик даражаси 3% дан ортиқ бўлганда, аралашманинг вақтдан олдин музлашига йўл қўймаслик учун унга материал оғирлигининг 0,3-0,5% миқдорида хлорли туз эритмаси билан ишлов берилиши лозим.
5.27. Қишки даврда асос қатламларини зичлаш ишлари уни намламасдан амалга оширилиши лозим.
5.28. Илиқлик бошланганда, шунингдек баҳорги эрувлар бошланишидан олдин асос қор ва муздан тозаланиши ҳамда сувни четга оқизиб юборилиши таъминланиши лозим.
5.29. Асосга қўшимча материал тўкиш ва тузатишлар киритиш ишларини грунт асос ва барча қатламлар қуригандан кейингина ҳамда уларнинг зичланиш даражаси текширилгандан сўнг амалга ошириш рухсат этилади.
5.30. Қишки даврда қурилган асос устидан транспорт воситаларининг ҳаракатига у тўлиқ зичлангандан кейингина рухсат этилади.
5.31. Қум-шағал (чақиқ тош) аралашмасидан, «пона» усули ёрдамида чақиқ тошдан ҳамда юқори қисми анорганик боғловчилар билан ишлов берилган чақиқ тошдан сунъий асос қураётганда бажарилиши лозим бўлган меъёрий талабларнинг бажарилиши операцион назорат вақтида текширилиши керак. Назорат ҳажми ва усуллари 2-жадвалда берилган.
2-жадвал

№