Ш. З. Умарованинг таҳрири остида

Кадрларни ҳисобга олиш бўйича шахсий варақа 
(анкета) – ходимнинг 
библиографик маълумотлари, маълумоти, меҳнат фаолияти, оилавий ҳолати 
ва ҳ. бўйича саволлар рўйхати, ишга кираётган ходим томонидан 
тўлдирилади. Саволларга жавоблар ҳужжат маълумотларига (паспорт, 

---

655 
меҳнат дафтарчаси, маълумоти тўғрисидаги ҳужжатларга) мувофиқ тўлиқ, 
қисқартмаларсиз, тузатишларсиз берилади. 
Шахсий варақча
барча ходимлар учун битта нусхада савол-жавоблар ва 
тегишли: паспорт, ҳарбий хизмат ҳужжати, меҳнат дафтарчаси, маълумоти 
ҳақидаги диплом ва бошқа ҳужжатларнинг маълумотларига асосан 
тўлдирилади. Шахсий карточканинг тўлдирилиши амалдаги йўриқномага 
мувофиқ амалга оширилади. Ишга қабул қилинувчи шахс варақчада 
кўрсатилган жойга имзо чекади ва тўлдирилган санани қўяди. Варақчанинг 
“қўшимча маълумотлар” қисмида ўриндошлик иши, қаерда ўқиётганлиги, 
иккинчи касби каби маълумотлар киритилади. Ходим ишдан бўшатилганда 
шахсий варақчага бўйруқнинг санаси ва рақами, бўшатилиш сабаби ёзилади. 
Бу маълумот кўпинча меҳнат стажини тасдиқлашга асос бўлиб хизмат 
қилади. Шахсий варақчанинг таркибий қисмлари: 
I.
Умумий маълумотлар 
II.
Ҳарбий ҳисобдаги тегишли маълумотлар 
III.
Ишга тайинланиши ва бошқа ишга ўтказилиши 
IV.
Таътил
V.
Қўшимча маълумотлар
Юқорида санаб ўтилган шакллардан ташқари меҳнат ва кадрларга оид 
ҳужжатларга қуйидагилар киради: 

Иш вақтини ҳисобга олиш табели; 

Устама иш ҳақи белгилаш тўғрисидаги буйруқ; 

Вақтинчалик ходимлар ва ўриндошларни ҳисобга олиш журнали; 

Ўриндошлик асосида ишлашга рухсат беришни ҳисобга олиш журнали ва 
бошқалар. 
Бошқа ишга ўтказиш тўғрисидаги буйруқ
ходим бир тузилмавий 
бўлинмадан бошқасига ўтказилаётганда расмийлаштирилади. Буйруққа 
аввалги ва янги иш жойидаги тузилмавий бўлинманинг раҳбарлари 
томонидан келишилганлик визаси қўйилади ва у ташкилот раҳбари 
томонидан имзоланади.

---

656