Sh. H. Usanov, M. X. Tinibekov harbiy toksikologiya

Oldini olish va davolash. Zaharlanishning  oldini  olish  uchun 

etillangan  benzin  tayyorlash  jarayonida  germetiklikni  ta’minlash, 

qo‘l va kiyimlarni etillangan benzin bilan yuvmaslik va tozalamaslik, 

etillangan  benzin  tekkan  kiyimni  kerosin  va  issiq  suvda  yuvib 

quritish,  etillangan  benzin  bilan  ishlagandan  so‘ng  yaxshilab 

yuvinish tavsiya etiladi. 

Davolashning samaradorligi zaharlanishni tezda aniqlab olib, o‘z 

vaqtida birinchi yordam ko‘rsatishga bog‘liq. Buning uchun zaharli 

modda  va  uning  aralashmalari  tekkan  joy  kerosin,  etillanmagan 

benzin yoki spirt bilan artilib, sovun yordamida yaxshilab yuviladi. 

Degazatsiyalovchi vosita sifatida tarkibida xlor bo‘lgan moddalar – 

ohak, xloraminlardan foydalanish mumkin. 

Zaharli modda ichga tushganida zudlik bilan qayt qilish lozim.