Ш. А. Маннонов номли “ёш бухгалтерлар клуби”

ЎЗБЕКИСТОН РЕСПУБЛИКАСИДА ХАЛҚАРО ЛИЗИНГ 
МУНОСАБАТЛАРИНИ ТАШКИЛ ЭТИШ ВА РИВОЖЛАНТИРИШ 
ИСТИҚБОЛЛАРИ 
 
Ш.Холтўраев - 
(БМА)
тингловчиси 
 
Лизинг техника тараққиѐти натижаларини амалиѐтга татбиқ этишда 
яхши самара берадиган молиявий дастак бўлиб, бугунги кунда 
иқтисодиѐтнинг асосий ва долзарб тушунчаларидан бирига айланиб 
бормоқда. 
Ўзбекистон иқтисодиѐтида лизинг муносабатлари ривожланиб 
бораѐтган экан, аста-секин ўзининг муносиб ўрнини топиб олган ҳолда 
инвестицияларни молиялашнинг мухим қуролига айланиб бораѐтганлигини 
таъкидлаш жоиздир. Бугунги кунда мамлакатимизда лизинг операциялари ва 
уларнинг турлари ҳамда самарадорлиги Ўзбекистон хукумати томонидан 
берилаѐтган эътибор туфайли ҳам жадал ривожланмокда. Лизинг 
муносабатларини кенгайтириш ва уни миллий хўжаликнинг турли 
сохаларига кириб боришини таъминлаш ижтимоий-иқтисодий ўсишини 
таъминлашда, янги-янги иш ўринларни яратишда, мехнат ресурсларини 
тўғри тақсимлашда қулай шароитлар яратади. 
Ҳалқаро лизингни ривожланиши бевосита бозор муносабатларининг 
ривожланиши билан боғлиқ. Жахон амалиѐти кўрсатишича лизинг 
муносабатлари иқтисодиѐтнинг реал секторига ва турли мулкчилик 
шаклларига ҳамда ишлаб чиқариш услубига асосланган жамиятнинг 
тараққиѐти учун ижобий таъсир кўрсатади. Шу сабабли ҳам, Ўзбекистон 
иқтисодиѐтида лизингдан кенгроқ ва самарали фойдаланиш ва тадбиқ этиш 
бугунги куннинг энг керакли ва долзарб вазифаларидан бирига айланди, 
десак адашмаймиз. 
Шуни айтиш мумкинки, Ўзбекистон Республикасининг иқтисодий 
ўсиш суръатлари даражасини кўтариш учун ҳалқаро лизинг компаниялари 
билан самарали битимлар тузиш алоҳида аҳамият касб этади. Чунки, бундай 
операциялар саноатни, ишлаб чиқаришни ривожлантиришга замин яратади. 
Ўзбекистон Республикаси лизинг компаниялари ва тижорат 
банкларининг жадал ҳаракати туфайли лизинг операциялари ҳажми йиллар 
давомида ўсганини қуйидаги маълумотларда кўришимиз мумкин.