Sertifikatlastiriw tiykarlari

2. 4. Ózbekstan Respublikasında ónimlerdi sertifikatlastırıw tártibi

Sertifikattı beriw boyınsha barlıq jumıslar, usınıń menen birge, arzanı kórip shıǵıw, islep shıǵarıwdı tekseriw, inspektsiya qadaǵalawı, hújjetlerdi dizimge alıw hám zárúrli materiallardı awdarmalawlarǵa arzashı ornatılǵan tártipte tólemlerdi ámelge asıradı.

Sertifikatlastırıwdı ótkeriw rejimin sertifikatlastırıw processlerinde quram tapqan izbe-iz xızmetler kompleksi ornatadı. Bul tártip hám bir túrdegi ónimlerdi sertifikatlastırıw sxemaları akkreditlengen sertifikatlastırıw mákemeleriniń hújjetlerinde belgilengen. Keńselerde, sonıń menen birge, sınawdı ótkeriw ushın laboratoriyalarda sertifikatlanıp atırǵan ónim hám sınaw usıllarına hújjetler ámeldegi boladı.

Ónimlerdi sertifikatlastırıw tártibi sxeması 2. 3-súwretde keltirilgen.

2. 3-suwretke túsindirmeler:

1. Arza beriwshi zárúr jaǵdaylarda gigienik juwmaq alıw ushın aymaqlıq sanitariya qadaǵalawı orgınına zárúr hújjetlerdi qosımsha etken halda arza beredi.

Aymaqlıq mámleket sanitariya qadaǵalawı orgını belgilengen tártipte ornınabarǵan halda laboratoriya sınawları ótkeriw ushın ónimlerden úlgi aladı hám obiektti tekseredi.

1 a. Sharwa ónimleri ushın aymaqlıq sanitariya qadaǵalawı orgını arza beriwshiden hújjetler alınǵan kúnnen keyingi keshikpesten rayon (qala ) veterinariya xızmeti orgınına buyırtpanama jiberedi.

1 b. Veterinariya xızmeti orgını úsh kún múddette aymaqlıq sanitariya qadaǵalawı orgınına veterinariya juwmaǵın yamasa juwmaq beriwdi biykarlawǵa sebep bolǵan anıq nızam hújjetleri normaların kórsetken halda jazba juwap jiberedi.

Veterinariya xızmeti orgını 20 kúngeshekem izolyatsiyalash-sheklew (karantin) ilajların belgilew huqıqına iye. Bunda veterinariya juwmaǵın beriw tartibi karantin múddeti tawsılǵanǵa shekem toqtatıp turıladı.

1 v. Ósimlik ónimleri ushın aymaqlıq sanitariya orgını arza beriwshiden hújjetler alınǵan waqıtınıń keyingi kúninen keshikpesten rayon (qala ) ósimlikler karantini mámleket xızmeti orgınına buyırtpanama jiberedi.

1 g. Ósimlikler karantini mámleket xızmeti orgını eki kún múddette fitosanitariya juwmaǵı yamasa unamsız juwmaq beredi.

2. Laboratoriya sınawları, sonıń menen birge, veterinariya hám de fitosanitariya juwmaqlarınan unamlı nátiyje alınǵanda, aymaqlıq sanitariya qadaǵalawı orgını arza beriwshige gigienik juwmaq beredi.

3, 4. Arza beriwshi óz qálewine kóre, shólkem hám islep shıǵaratuǵın ónimi shtrixlı kodta paydalanıletuǵın tovar r kodın alıw ushın ”GS1 Uzbekistan” (“EAN Uzbekistan”) ga shaqırıq etiwi múmkin.

5. Arza beriwshi muwapıqlıq sertifikatı alıw ushın sertifikatlaw boyınsha akkreditatsiya etilgen mekemege zárúr hújjetlerdi qosımsha etken halda arza usınıs etedi. (Arza gigienik juwmaq alıw ushın beriletuǵın arza menen bir waqıtta beriliwi múmkin).

6. Sertifikatlaw boyınsha akkreditatsiya etilgen mekeme 15 jumıs kúninen artıq bolmaǵan múddette muwapıqlıq sertifikatı yamasa anıq nızam hújjetleri normaların kórsetken halda jazba biykarlaw juwabın beredi.

Gigienik hám veterinariya ekspertizasi, karantin qadaǵalawı yamasa ekologiyalıq sertifikatlastırıwdıń ótkeriliwi hám, zárúrat bolǵanda, arzada kórsetilgen ónimniń normativ hújjetleri gigienik, veterinariya, fitosanitariya yamasa ekologiya talaplarına muwapıq bar ekenligin sertifikatlastırıw mekemesi anıqlaydı. Bul tekseriwdi muwapıqlıqtı sertifikatlastırıw waqtında hám sertifikatlastırıw mekemesiniń sertifikattı beriw haqqındaǵı sheshiminiń nusqası hám de arzashı usınılǵan hújjetlerge muwapıq, qadaǵalaw mekemesi ruxsatı menen parallel alıp barılıwı múmkin.

Arzashı gigienik sertifikattı alıw boyınsha arzanı sanitar qadaǵalaw mekemesine beriw waqtında veterinariya juwmaǵı hám eger kerek bolsa MH talapları boyınsha fitosanitariya yamasa ekologiyalıq sertifikatların alıwdı shólkemlestiriw kerek.

Sertifikatlastırıw mekemesi gigienik, veterinariya, fitosanitariya yamasa ekologiyalıq sertifikatlardı alıw ushın shólkemler menen muwapıq óz-ara iskerlik boyınsha agentlik xızmetlerin kórsetiw huqıqına da iye. Bunda sertifikatlastırıw mekemesi bul xızmetlerge tariypler haqqındaǵı maǵlıwmatlardı arzashıǵa usınıwı hám mámleket keńselerine muwapıq úlgini tarqatıw jáne tańlap alıw ushın juwapkershilikti óz moynına aladı.

Sertifikatlastırıw mekemesi arzashıǵa olardıń talapları boyınsha tómendegi maǵlıwmatlardı usınıs etedi:

- májbúriy sertifikatlastırıwdaǵı ónim túrleri dizimin;

- bir túrdegi ónimdi sertifikatlastırıw qaǵıydaların ;

- sertifikatlastırıw boyınsha jumıslarǵa preyskurant yamasa tariyplerdi;

- tanishish ushın akkreditatsiya gúwalıǵın.