Sertifikatlastiriw tiykarlari

2. 3. Sertifikatlastırıwdı ámelge asırıwdıń ulıwma basqıshları

Sertifikatlaw milliy sisteması sheńberinde sertifikatlastırıw jumısları arzashı tárepinen saylanǵan sertifikatlastırıw sxeması boyınsha anıqlanǵan sistema sheńberinde alıp barıladı. Sertifikatlastırıw tártibi jáne onıń ornatılǵan qaǵıydaları ámeldegi bolıp, sertifikatlastırıwdıń tiykarǵı basqıshların sertifikatlastırıw obiekti hám túrlerine baylanıslı bolmaǵan ózgermeytuǵın process dep esaplaw múmkin. Ádetde, qabıl etilgen hám sertifikatlastırıw procesiniń ulıwma sxeması 2.2-súwretde keltirilgen. Bunı tómendegi bes tiykarǵı basqıshlarǵa bóliw múmkin:

1. Sertifikatlastırıwǵa arza.

2. Sertifikatlastırıw boyınsha qarar qabıl etiw.

3. Sertifikatlastırıw obiektin ornatılǵan talaplarǵa muwapıqlıǵın bahalaw.

4. Muwapıqlıqtı bahalaw nátiyjeleriniń analizi jáne onı rásmiylestiriw.

5. Sertifikatlastırıw obiekti ústinen inspektsiya qadaǵalawı.

Sertifikatlastırıwdı ótkeriw ushın 2005 jıl 18 martda Ádillik Ministrliginde №1458 dizimge alınǵan Ónimlerdi sertifikatlastırıw qaǵıydaları ornatılǵan. Bul qaǵıyda májburiy hám ıqtıyarıt sertifikatlastırıwdı shólkemlestiredi hám ótkeriwde qollanıladı. Ol Ózbekstan hám shet elde jaratılǵan sertifikatlastırıwdıń barlıq obiektlerine qollanıladı.

Ózbek setrifikati hám muwapıqlıq belgisinń shet elde tán alınıwı múmkinshiligin támiyinlew ushın ISO/IEC qollanbasında keltirilgen xalıq aralıq normalar hám qaǵıydalarǵa, ISO xalıq aralıq standartları, Evropa standartları, basqa xalıq aralıq hám aymaqlıq shólkemlerdiń hújjetlerine muwapıq sertifikatlastırıwdı ámelge asırıw ushın olarǵa muwapıq dúzilgen.

2. 2-súwret. Sertifikatlastırıwdıń tiykarǵı basqıshları.

Jergilikli hám import ónimlerdi Ózbekstan Respublikası sertifikatlastırıw milliy sistemasında bir túrdegi ónimlerdi sertifikatlastırıw keńseleri yamasa olar ámeldegi bolmaǵanda sertifikatlastırıw milliy mekemesi ámelge asıradı.