Sertifikatlastiriw tiykarlari

Ekspert-auditorlardıń wazıypaları tómendegiler:

- sertifikatlastırıw boyınsha (arzalar analizi, qararlar qabıllaw, úlgilerdi tańlap alıw hám identifikaciyalaw, islep shıǵarıwdı baqlaw hám b.) islerdi orınlaw ;

- muwapıqlıq haqqında dekloratsiyanı qabıllaw ushın tiykar etip alınǵan, belgilengen, tastıyıqlanǵan hújjetlerdi tekseriw;

- sınaw protokolınıń qalıslıǵın támiyinlew ushın ónim sınaǵında qatnasıw.

Ónim tayarlawshı bir túrdegi ónimdi sertifikatlastırıw mekemesi menen shártnama tiykarında hám olar menen óz-ara muwapıqlıqta iskerlik júrgizedi:

- sertifikatlastırıwdı ótkeriw ushın zárúrli hújjetlerdi hám ónimdi usınıw hám de sertifikatlastırıwdı ótkeriwge talapnama jiberedi;

- Ózbekstan Respublikası sertifikatlastırıw milliy sisteması basshılıq hújjetlerine muwapıq sapa menejmenti sistemasın yamasa islep shıǵarıwdı sertifikatlastırıwǵa tayarlaydı;

- normativ hújjetler talaplarına qollanılıp atırǵan ónim muwapıqlıǵın támiyinleydi, yaǵnıy ol muwapıqlıqqa sertifikatlastırılǵan bolsa ;

- Ózbekstan Respublikası sertifikatlastırıw milliy sistemasında ornatılǵan qaǵıydalar tártibinde sertifikatlanǵan ónimge muwapıqlıq belgisin tamǵalaydı ;

- Ózbekstan Respublikası sertifikatlastırıw milliy sisteması qaǵıydaları hám Ózbekstan Respublikası nızamlarına qaray muwapıqlıq belgisi hám sertifikatın qollaydı ;

- qadaǵalaw keńseleri hám sertifikatlastırıw keńseleri lawazımlı shaxsları inspektsiya tekseriw,qadaǵalawın ótkeriw ushın sharayatlardı támiyinleydi;

- texnikaviy hújjetlerge hám sertifikatlanǵan ónimdi islep shıǵarıw texnologiyalıq processlerine ońlawlar, ózgertiwler, egerde bul ózgerisler sertifikatlastırıwda tekseriw xarakteristikalarǵa tásir qılsa, bular haqqında sertifikatlastırıw mekemesine xabar beredi;

- sertifikatlastırıw boyınsha jumıslarǵa tólemlerdi ámelge asıradı ;

- muwapıqlıq sertifikatın ámel qılıw múddeti tamamlansa, sertifikattı ámel qılıw múddetin toqtatıw yamasa biykar etilse, májburiy sertifikatlastırıwda turıwshı ónimdi satıwdan toqtatıladı hám shek qoyıladı.

Bir túrdegi ónimlerdi sertifikatlastırıw sisteması (BMS sisteması ) O'zRSMTda ornatılǵan, hám de sertifikatlastırıw milliy mekemesi, yamasa arzashı usınısların esapqa alıp sertifikatlastırıw mekemesi anıqlaǵan basqa faktorlardıń bar ekenligi hám sertfikatlastırıw ulıwma tártiplerin anıqlawtırıw ushın jaratıladı.