Sertifikatlastiriw tiykarlari

Májburiy sertifikatlastırıw. Májburiy sertifikatlastırıw ónim,process,xızmetler muwapıqlıǵın tastıyıqlawdı támiyinlew Ózbekstan Respublikası húkimeti nızam hám qararları, nızamshılıq aktlari hám normativ hújjetlerdiń májburiy talaplarına, texnikalıq reglamentlar talaplarına tiykarınan ámelge asırıladı. Bir qansha májburiy talaplar bul hújjetlerde átirap -ortalıq hám insanlar den-sawlıǵın saqlaw, qawipsizlikke baylanıslı, biraq májburiy sertifikatlastırıwdıń tiykarǵı tárepi qawipsizlik hám ekologiyalıqlıǵı bolıp esaplanadı.

Májburiy sertifikatlastırıw Ózbekstan Respublikası sertifikatlastırıw milliy sisteması sheńberinde Ózbekstan Respublikası Ministrler Mákemesi tastıyıqlaǵan májburiy sertifikatlastırıwda turıwshı ónimler hám xızmetler dizimine muwapıq ámelge asırıladı.

Ózbekstan Respublikasında islep shıǵarılıp atırǵan, alıp kelinip atırǵan, shetke shıǵarılıp atırǵan ónimler ushın májburiy sertifikatlastırıw ótkeriliwi shárt.

Ózbekstanda májburiy sertifikatlastırıw shet el mámleketlerdegi sıyaqlı, bárinen burın, xalıq tutınıwı ónimleri hám olardı qawipsizlik hám de ekologiyalıqlıǵın tastıyıqlawda qollanıladı. Bul dizimge ónimlerdi qosıw ushın kriterya retinde tómendegiler saylanǵan : paydalanıwshılar ushın qáwiptiń júzege keliwi;

ónim normativ hújjetlerinde qawipsizlik talapları bar bolsa ;

ǵalabalıq tutınıwdaǵı ;

insan den-sawlıǵın hám turmısına qawip-qaterler dárejesi hám b. lar.

Jáhán ámeliyatında qálegen sertifikatlastırıw qarıydarlar tárepinen sapalı xızmetlerdi tańlawda nátiyjeli qurallardan biri esaplanadı. Xızmetlerdi orınlaw ushın ıqtıyariy sertifikatlastırıw olardıń básekige shıdamlılıǵın asıradı.

Májburiysertifikatlastırılıwı kerek bolǵan ónimlerdi ıqtıyariy sertifikatlastırıwǵa almastırıw múmkin emes. Májburiy hám ıqtıyarıy sertifikatlastırıwdıń bir-birinen ayrıqsha tárepleri 2. 1-kestede keltirilgen

2. 1-keste