Sertifikatlastiriw tiykarlari

II-BOB. O'ZBEKISTON RESPUBLIKASI SERTIFIKATLASTIRIW MILLIY SISTEMASI ISKERLIGI

2. 1. Ózbekstan Respublikası sertifikatlastırıw milliy sistemasınıń qaǵıydaları

Ózbekstan Respublikası sertifikatlastırıw milliy sistemasında bir túrdegi ónimler, processler hám xızmetler boyınsha sertifikatlastırıw (BMS) sisteması jaratılıwı múmkin.

Sertifikatlastırıw boyınsha islerdi bir túrdegi ónimler, sapa menejmenti sisteması hám xızmetkerlerdi sertifikatlastırıw boyınsha akkreditlengen keńseler ámelge asıradı. Sertifikatlastırıw sınawları akkreditlengen sınaw laboratoriya,oraylarında ámelge asırıladı.

Ózbekstan Respublikasında arnawlı bir túrdegi ónimlerdi sertifikatlastırıw boyınsha akkreditlengen keńseler bolmaǵan jaǵdaylarda sertifikatlastırıw boyınsha milliy mekeme onıń sertifikatlastırıw máselelerin sheshedi.

Ózbekstan Respublikası sertifikatlastırıw milliy sistemasında mámleket reestri kórinisinde sertifikatlastırıw obiektlerin hám subektlerin dizimge alıw ámelge asırıladı. Dizimge alıwdı akkreditlestiriw hám sertifikatlastırıw milliy keńseleri júrgizedi. Ol jaǵdayda mámleket reestri maǵlıwmatları, sonıń menen birge, sertifikatlastırıw mekemesi hám sistemanıń basqaurıs qatnasıwshısılarınan alınǵan maǵlıwmatlar baspadan shıǵarıladı.

Ózbekstan Respublikası sertifikatlastırıw milliy sistemasında májburiy hám ıqtıyarıy sertifikatlastırıw ótkeriliwi názerde tutıladı.