Sentyabr Tarbiyachining bir haftalik namunaviy ish rejasi

Nimaga e’tibor qaratiladi: bilishga bo‘lgan ishtiyoq hamda nutqiy faollikni rag‘batlantirish.
Noyabrning 3-haftasi
«Favqulodda vaziyatlar xizmati»
Qurilish va loyihalash, matematika markazi
Loyihalash: «Garaj».
Maqsad: o‘yinchoqlar o‘lchamiga mos qurilish amalga oshirish, nutqlarida uzun, oldinda, yonida, o‘ngda, chapda so‘zlarini ishlatishlariga erishish.
Jihoz va materiallar: qurilish materiallari, mashinachalar.
Faoliyatning borishi:
1. Suhbat: «mashinalar ishlamayotgan paytda qaerda turadi?»
2. Garaj namunalarini ko‘zdan kechirish.
3. O‘z tasavvurlari asosida garaj quradilar.
4. Tayyor garajlarni o‘rganadilar.
Qo‘shimcha:Sayr paytida garaj, avtomobil to‘xtash joylarini tomosha qiladilar, ularning ahamiyatini o‘zlashtiradilar.
Nimaga e’tibor qaratiladi: Tevarak-atrof, makon bo‘ylab mo‘ljal olish qobiliyatlarini o‘stirish.
Qurilish va loyihalash, matematika markazi
Loyihalash: «Transportlarning turlari».
Maqsad:bolalar turli transport vositalarini boshqaradigan kasb egalarini sanab berishga o‘rgatish; loyiha detallarini farqlay olishlarini amalda namoyish qilishlariga erishish. Tartib bilan sanashni bilish.
Jihoz va materiallar: qurilish materiali, turli mashinachalar. Mashinist, traktorchi, kapitan, uchuvchi, velosipedchi tasvirlangan suratlar.
Faoliyatning borishi:
1. Kasblar va transport vositalari xususida suhbat qurish, topishmoqlar topish.
2. Namunalarni ko‘rish.
3. O‘yin: «Qancha kerakligini hisobla».
4. Jamoaviy ish: «Turli transport vositalari».
5. Qurilish o‘yini.
Qo‘shimcha: mashinalar bilan o‘ynash, sayrda kuzatish, badiiy adabiyotlar o‘qish, turli transport vositalarini ko‘zdan kechirish.
Nimaga e’tibor qaratiladi:bog‘langan nutqni rivojlantirish; mavzuga oid lug‘at boyligini shakllantirish.
Syujetli – rolli o‘yinlar markazi
Syujetli – rolli o‘yin: «SHifoxona»
Maqsad:tibbiy personallar ishini bilish; tor doiradagi mutaxassilik tushunchasini anglash; tez yordam mashinasining maxsus transportligini bilish, tez tibbiy yordam telefon raqamini bilishi.