Seminar sabaǵınıń tálim texnologiyası modeli

Mashqalalı tálim texnologiyasınıń baǵdarları. Mashqalanı jaratıw texnologiyası.
Jigirmalanshı jıllardan-aq metodistler oqıtıwdıń jańa metodların izledi. Júdá kóp didaktlar, oqıtıwshılar hám metodistler (Babanskiy, Lеrnеr, Matyushkin, Maxmutov, Pishkalo, Okon, Flеminch, Markov, Sani hám t.b.) mashqalalı tálim máseleleri boyınsha izertlew jumısların ámelge asırdı. Mashqalalı tálim metodları arasında tómendegi bes tiykarǵı metod parqlanadı:

1. 
   Izertlew metodı. Bul metod birinshiden, bilimlerdi kreativ qollanılıwın támiyinlewge, ekinshiden, ilimiy biliw metodların izlew procesinde sol metodlardı hám olardıń qollanılıwın ózlestiriwge qaratıladı.
   
2. 
   Tolıq emes izleniw yamasa evristika metodı. Oqıwshılardı áste aqırın mashqalalardı sheshiwge jaqınlastırıw ushın olarǵa aldı menen sheshimnıń ayrım basqıshların orınlawdı úyretiw, olarda kónlikpe payda etiw zárúr.
   
3. 
   Túsindiriw metodı. Bul metodtıń tiykarǵı wazıypası oqıwshılardıń informaciyanı ózlestiriwin shólkemlestiriw bolıp esaplanadı.
   
4. 
   Mashqalanı bayan etiw. Bul metodtıń mazmunı oqıtıwshı mashqalanı qoyıp, onı ózi sheshiwi hám sheshimniń áhmiyetin oqıwshılarǵa túsinikli pikirler arqalı kórsetiwden ibarat.
   
5. 
   Reproduktiv metod. Oqıwshılar kónlikpe hám tájriybelerdi iyelewi, sol menen bilimlerdi ózlestiriwdiń ekinshi dárejesine erisiwi ushın oqıtıwshı tapsırmalar sisteması arqalı olardıń ózlerine berilgen bilimlerin bir-neshe márte esletedi.
   

Ádebiyatlar:

1. 
   Aliyev. I. “Pedagogik texnologiyalar va pedagogik mahorat”.
   
2. 
   Azizxo’jaеva. Pеdagogik tеxnologiya va pеdagogik mahorat. T.: TDPU-2003 yil.
   
3. 
   Uzoqova L. P. “Maxsus fanlarni muammoli o’qitish texnologiyasi. Toshkent- 2013