Семинар машғулотлари : 6 Лаборатория: 24 Мустақил таълим 111

Педагогик амалиёт
Педагогик амалиёт мақсади-талабаларнинг ғоявий-сиёсий дунёқарашини шакллантириш. Мустақил фикрлашни ўргатиш, талабаларнинг касбий сифатларини, билим, кўникма ва малакаларини квалификасион таснифика мос равишда тарбиялаш, олинган билимларни мустақил фаолиятида қўллай олишга ўргатишдан иборат.

Педагогик амалиёт вазифалари:

1. Талабаларда ўқувчиларнинг иш режасига асосланиб, меҳнат таълими йўналишини ҳисобга олган ҳолда умумтаълим мактаб ўқувчилари билан тарбиявий ишларни олиб бориш малакасини шакллантириш.
2. Таълим-тарбиявий ишларни асосий шакллари (дарс, суҳбат, ўйин ва бошқалар)ни амалиётга тадбиқ қилишни ўргатиш.
3. Талабаларда умумтаълим мактаб ўқувчиларини ўрганиш кўникмаларини шакллантириш.
4. Таълимнинг замонавий педагогик технологияларини ва методларини қўллаб дарс (машғулот) ўтишни ўргатиш.
Педагогик амалиётни ўташда талабалар педагогика, психология, умумтехник ва метод фанлардан эгаллаган билимларига таянади.
Педагогик амалиёт мазмуни
1. Умумтаълим мактаблари билан танишиш, ўқув юрти раҳбарларининг ишларини ўрганиш.
2. Ўқув устахонаси устасининг ўқув-тарбиявий ишларини ўрганиш.
3. Умумтаълим мактабларида дарсдан ва ўқишдан ташқари ишларни ўрганиш.
4. Ўқув устахонаси устаси ва синф раҳбарлари олиб борадиган касбга қизиқиш ишлари усуллари ва методлари билан танишиш ҳамда уларни ўрганиш.
5. Педагогик амалиёт юзасидан ҳисобот тузиш, ҳужжатларни тайёрлаш ва топшириш.


Мустақил ишларни ташкил этишнинг шакли ва мазмуни

Талабалар мустақил ишларини ташкил этиш.Касб танлашга йўллаш фанини пухта ўзлаштиришга қаратилади. Бунда ўрта умумтаълим мактабдари дастуридан келиб чиққан холда уларда келтирилган мавзу ва йўналишларни ўқувчиларга пухта ўргата билиш масалаларилари кўзда тутилади. Талабалар мустақил иш жараёнида тавсия этилган мавзулар бўйича адабиётлар, маълумотномалар ва ахборот технологияларидан фойдаланишни ўрганиш назарда тутилади. Танлаб олинган ёки тавсия этилган мавзулар бўйича мустақил иш ҳисоботи тузадилар ва тегишлича баҳоланадилар.

Мустақил иш мавзуси бўйича ҳисобот қуйидаги тартибда тузилади:

• 
  мавзунинг баёни ва назарий маълумотлар келтирилади;
  
• 
  чизмалар, графиклар ва жадваллар бажарилади;
  
• 
  мавзу юзасидан тест ва назорат саволлари тузилади;
  
• 
  мавзуни ўзргатишнинг интерфаол усулларидан бири тавсия этилади.