Selluloza ishlab chiqarish texnologiyasi

Paxta momig‘ini tashish va tozalash.
Korxonaga paxta 
momig‘i kip (toy)larda keltiriladi. Toylar ochilib, titilib, markazdan 
qochma kuch usulida ishlaydigan siklonli separator qurilmalarga 
beriladi (8.1-rasm). Qurilmada og‘ir chiqindilar ajratiladi, so‘ngra 
titib – tozalagich qurilmasida tozalanadi.
Paxta momig‘ini mexanik qo‘shimchalardan quruq usulda 
tozalash qurilmasi.
Bu qurilma quyidagilardan iborat:
– toylarni ag‘darish sistemasi;
– uzatish konveyeri;
– shriftli qiya konveyer;
– tekislovchi val;
– chiqish joyidagi val;
– chiqish joyidagi ko‘ndalang transportyor.
Qurilmaning korpusi zanglamaydigan po‘latdan yasalgan va 
havo o‘tkazgich quvur bilan ulangan. Hosil bo‘lgan chang va tola 
aralashmalari quvur orqali havo bilan havoni filtrlovchi qurilmaga 
yuboriladi. Tozalash qurilmasi yong‘inga qarshi ko‘rsatkichlar bilan 
jihozlangan.
Toyning simli bog‘ichlarini yechish uchun maxsus qaychidan 
foydalaniladi va sim mayda bo‘lakchalarga ajratiladi.
Og‘ir qo‘shimchalarni ajratuvchi siklon.
Siklonga kirish va 
chiqish joylaridagi bosim bir xilda bo‘lishi kerak. Og‘ir chiqindilar 
siklonning pastgi qismidagi konveyerda yig‘ilib, ish oxirida chi-
qarilib tashlanadi.
Oraliq zichlagich.
Oraliq zichlagich kamera shaklida bo‘lib, 
ichiga perforatsiyalangan baraban o‘rnatilgan. Barabanning ichidagi 
bosim atmosfera bosimidan pastroq bo‘lib, bu havo ventilyatori 
yordamida hosil qilinadi. Kameraga tushayotgan paxta tolalari 

---

46
barabanning tashqi yuzasida qoladi. So‘ngra, maxsus tishli 
val yordamida tirnab olivchi boshqaruv zichlagichga beriladi. 
Boshqaruv zichlagich apparati titib tozalagich apparatiga paxta 
momig‘ini me’yorida berilishni ta’minlaydi.
Titib tozalash qurilmasi.
Bu qurilma boshqaruv zichlagich 
apparatini chiqish joyiga o‘rnatilgan. U 6 ta tituv silindridan 
iborat. Ular o‘zaro parallel o‘rnatilgan bo‘lib, bir tomonga 
aylanadi va xomashyoni uzluksiz ravishda tozalashni ta’minlaydi. 
Barabanlarning quyi qismiga panjara o‘rnatilgan bo‘lib, unda 
chiqindilar to‘planadi. To‘plangan chiqindilar qattiq chiqindilarni 
saralovchi separatorga yuboriladi.