«сарайшық» мемлекеттік тарихи-мәдени музей-қорығы атырау облысы білім беру басқармасының Әдістемелік орталығЫ

Жалтыр-көл. 
Аудан орталығы – Аққыстау селосынан солтүстік шығысқа 
қарай 10-15 км, Тұщықұдық және Новобогат округтерінің аумағында орналасқан. 
Жағалауы саздақты, солтүстік жағасында бұталарыөседі, алабы жазық және 
батпақты сор, солтүстік-шығыс жағынан Нарын каналының тарамдары құяды. 
Жаңа талап 
– Жанбайдың терістік- шығысында мұнай өндіретін үлкен 
кеніш бар. Оны Жаңа талап деп атайды. 1930 жылы Жанбай іргесінде «Жаңа 
талап» колхозы шаңырақ көтерген. Кейін ол «Забурын» совхозына 
біріктірілгенде жердің атауы сол «Жаңа талабымен» қалған. Енді колхоз емес, 
бір мұнай өндіру цехы солай аталды. 
Жасқайрат 
– ауыл. Аудан орталығы-Аққыстау селосынан солтүстік 
шығысқа қарай 50 км жерде, Нарын кұмының жиегінде орналасқан. Новобогат 

---

56 
селолық округіне қарайды. Жер төсі құнарлы, көктемде шөбі құлпыра өседі. 
Жерасты суы жақын болғандықтан тұрғындар оны пайдаланады. 1957-97 
жылдары «Новобогат» қой кеңшарының ферма орталығы болды. 
Забурын 
– село әкімшілік округ орталығы. Аудан орталығы-аққыстау 
селосынан оңтүстік-батысқа қарай 100км жерде орналасқан. IX ғасырдың 
ортасында орыс көпестері иелік еткен балық кәсіпшіліктерінің орталығы болған. 
Кемелер Жыбырлақ мүйісімен айналып, Забурынға келген. «Астрахань- Гурьев» 
пороходына мінген жолаушылар Каспий теңізінің ақжол толқындары аржағынан 
сұлу көрінетін осы құрлықты көріп қызыққан. Жер атауы «За бурьями» сөзінен 
шыққан деген жорамал бар. Забурын 1957-97 жылдары «Забурын» кеңшарының 
№1 фермасының орталығы болды. Жері құмайт, бетегелі-төбелі, шағылды. 
Селодан 2-3 км жерде «Атырау-Астрахань» тас жолы өтеді. 
Забурын - 
бұл күнде «Забурын» ден аталатын жер бұрын «Қызылбас» 
делінген екен. Мұны көнекөз қариялар әлі айтып отырады. Неге Қызылбас 
болғанын кім білсін. Еділ-Жайық арасы бір жылдарда Ноғайлы хандығының жері 
болғанын тарих теріске шығара алмайды. Ендеше Қызылбас атауы да сол 
замандардан қалған болуы керек. Кейін Қазақстан жері Ресейдің бодандығына 
өткен соң, Каспий теңізінің солтүстік жағалауына орыстың көпестері келіп, 
балық аулау кәсіпшілігі дамытқаны да тарихтан тиісті орындарын алған. Сол 
тұста «Қызылбасқа» да Забурын деген алпауыт келіп, теңіздің жағасында 
сұғынып жатырған шағын-шағын аралдарда қоныс теуіп, балық аулайтын 
кәсіпшілік ұйымдастырған. 
Исатай 
– село, әкімшілік округ орталығы. Аудан орталығы – Аққыстау 
селосынан солтүстік батысқа қарай 100км жерде, Нарын құмының жиегіне 
орналасқан. «Гурьев» – «Ақсарай» темір жолы құрылысының жүруіне 
байланысты 1968 жылдан бастап бұл аумақта да теміржолшылар үшін әлеуметтік 
нысандар салу басталды. Стансаға халық батыры Исатай есімі берілді.