«сарайшық» мемлекеттік тарихи-мәдени музей-қорығы атырау облысы білім беру басқармасының Әдістемелік орталығЫ

« Жыл мезгілдері» 
«Қыс» 
Жер аппақ,үскірік жел, көзсіз боран. 
Сары аяз, қары қалың сатырлаған, 
Тұрмайды бір қалыпта айнымалы 
Арудай ұстамалы бұлан-талқан. 
«Жазғытұрым» 
Қар еріп өзен тасып лепірген, 
Тіріліп жан-жануар,құстар келген. 
Бұлт өрлеп,күн күркіреп,жауын жауып, 
Балбырап күн нұрына жер гүлдеген. 
«Жаз» 
 
Күн ыстық,ауа аптап,ми қайнатқан, 
Қыздырып табиғатты,тас балқытқан. 
Маужырап, өз денесін зорға билеп, 
Солықтап талма түсте бәрі жатқан. 
«Күз» 
Шуақты,ызғырықты,қалың тұман, 
Жауынды, шық ,қыраулы тамылжыған. 
Адамдай кәрі қайтқан жабырқаңқы, 
Жамылып қара бұлт тұнжыраған. [2] 
(28 желтоқсан 1942 жыл) 
(12 сәуір 1942 жыл) 
(19 шілде 1944 жыл) 
(25 қазан 1944 жыл) 
«Өгіздер арызы», «Дүкенші сөйлейді», «Құлақшын», «Теке мен түлкі», «Құс пен 
шошқа фермасы» сатиралық өлеңдері арқылы өмірдің шындығын суреттейді. Ал, 
«Ақшелек мектебі», «Сол мектеп» өлеңдері арқылы сол кездегі мектептің жай- 
күйін, үкімет тарапынан берілген сөздердің орындалмауын көрсеткен. 

---

233 
«Сол мектеп» 
. 
Оқитын, жазатын да құралы жоқ, 
Сатуға дүкенінде тұрары жоқ. 
Партасы,тақтасы да жеткіліксіз, 
Жарыққа еңбегіңнің шығары жоқ. 
Бұл жайлы үкіметтің сөзі қайда? 
Түзейтін партияның тезі қайда? 
Ау атком, ау партком мен районо, 
Көретін мектеп жайын көзі қайда? 
Күн қашан мына мектеп оңдалатын? 
Кім айтшы, мектеп ісін қолға алатын. [2] 
Қорытынды 
 
Ұстаздардың ұстазы,ауданымыздың білім беру саласында өзіндік қолтаңбасы 
бар, ақын, менің бабам Жылқышы Ізтұрғанов Кең Жылыойдың мақтанышы. Ел- 
жұртына ерен еңбегімен сыйлы, қадірлі басшы болып, азаматтық парызын ел 
алдында адал өтей білген азамат. 
Жылқышы Ізтұрғановтың шәкірттерінің ішінен әр түрлі салада беделді 
қызметкерлер көптеп шықты. Оның артынан өшпестей болып қалған өлеңдері де 
бар. 
Адам емес, мәңгі өлмейтін атағы демекші, жас ұрпақты оқыту мен тәрбиелеу 
ісіндегі жұмысы аса жоғары бағаланып, бірнеше марапатқа ие болды, СССР 
Жоғары Советі Президиуымының указы бойынша 1939, 1945 жылдары «Еңбекте 
үздік шыққаны үшін» медальмен екі рет марапатталып, Москва қаласына барып, 
М.И.Калининның қолынан алған. Атырау және Жылыой энциклопедия- 
даларында аты енгізіліп, ауданымыздың орталығынан көше атағы да берілді, 
жәдігерлері облыстық тарихи-өлкетану мұражайына қойылды. Бұл – артына 
өшпес із қалдырған, киелі жеріміздің ардақты азаматына деген құрмет деп 
білеміз. 
Менің бабам Ізтұрғанов Жылқышы Ізтұрғанұлы сияқты біртуар азаматтың 
қарапайым ұлылығы мен елі үшін істеген ісін жария етіп бүгінгі ұрпаққа 
ұмытылмастай етіп үлгі тұтар қасиеттері мен адами кемеңгерлгі, кісілік 
кемелдігін танып, болашақ ұрпаққа ұсыну ұрпағының перезенттік парызым деп 
білемін.