«сарайшық» мемлекеттік тарихи-мәдени музей-қорығы атырау облысы білім беру басқармасының Әдістемелік орталығЫ

Аса құрметті зиялы қауым! Құрметті конференцияға қатысушы қонақтар 
және оқушылар! 
Елбасының «Болашаққа бағдар: рухани жаңғыру» атты мақаласында 
айтылған халықтың санасына жалпы ұлттық қасиетті орындар туралы танымдық 
түсінікті сіңіру мақсатындағы «Ұлы даланың жеті қыры» тарихи мақалаларын 
басшылыққа ала отырып, «Туған өлкені зерттеу: оның маңызы және басым 
бағыттары» атты облыстық ғылыми-тәжірибелік конференция ұйымдастырылып 
отыр. 
Ұлтымыздың рухани жаңғыруының бірден-бір көрінісі – ұлан-ғайыр 
даламыздың қойнауындағы қазына болып қатталып жатқан тарихты ақтару, 
зерттеп-зерделеу және оны келешек ұрпаққа аманаттау. Осындай тарихи өлкелер 
жөнінде әңгімелер айтыла бастаса, ең алдымен Хан Ордалы Сарайшықтың аты 
зор мақтанышпен аталатыны әмбеге аян. 
Елбасы Н.Назарбаевтың да өз сөзінде: «Сарайшық топырағы қасиетті, 
өйткені исі түркі әлеміне ортақ Алтын Орда хандары Тоқта, Жәнібек, Бердібек, 
ноғайлының билеушісі Оқас, одан бергі Қасым хан сияқты атақты хандарымыз 
бен батырларымыздың жаны мәңгілік жай тапқан жер, оны еліміздің алғашқы 
Пантеоны десек те болады », - деп Сарайшық қаласының ұлылығын тілге тиек 
етуі тегін емес. Сондықтан да мұндай ауқымды шараны Махамбет ауданына 
қарасты Сарайшық ауылында өткізуіміздің де өзіндік мәні бар. Бұл игі шараға тек 
тарихшы, археологтар ғана емес, облыс көлеміндегі мектеп оқушылары да 
жұмыстарын ұсынып, өлке тарихын насихаттауға өз үлестерін қосты. Бұндай 
форматта ұйымдастырылып отырған конференция болғандықтан кейбір 
ұсынылған материалдардағы олқылықтардың орны алдағы уақыттарда толар 
деген сеніммен қараймыз. 
Облыс көлеміндегі іргелі іс-шаралар қатарындағы зиялы орта мен 
оқушылардың қатысуымен өтіп жатырған конференция еліміздің қоғамдық 
өміріне үлкен серпін беріп, халықтың рухани жаңғыруына зор үлесін қоса 
алатынына және жаңа жетістіктерге жетуге ықпал ететініне сенеміз. Рухани- 
мәдени мұраларды насихаттау, өлкетану мәселелерін жүйелеуге арналған 
конференция жұмыстарына сәттілік тілейміз.