Saodat sadirova

Jingalaklarning pishiqligi yoki qayishqoqligi. Ularning mexanik ta'sir vaqtida o'z shakli va holatini saqlab qolish xossasidir. Jingalakning pishiqligi qorako'l terilarning muhim xossalaridan biri hisoblanadi.
Ma'lumki, qorako'l terilar jingalaklarning pishiqligi juda ko'p sabablarga bog'liq. Jumladan, sovliqlarning yoshi, homilaning ona qornida rivojlanish sharoiti, birga tug'ilgan egiz qo'zilar soni, qo'zilarning tug'ilgan paytidagi vazni, ularning qaysi qorako'l tipiga mansubligi kabilar ana shunday sabablardir. Bundan tashqari, jingalakning pishiqligi uning struktura xususiyatlariga va jun tolasining sifatiga ham bog'liq. Tolalarning mayinligi va uzunligi ham jingalak pishiqligiga ta'sir etadi. Boshqa sharoitlar bir xil bo'lganda qalam gulli jingalaklar hammasidan pishiq bo'ladi. Tola nechog'li mayin va uzun bo'lsa, jingalak shunchalik bo'sh bo'lib chiqadi va aksincha. Jun tolalarining qalinligi ham jingalaklar pishiqligiga bevosita aloqadordir.
Jun tolalarining qalinligi qancha kam bo'lsa, jingalaklar pishiqligi shuncha past, jun tolalari nechog'li qalin bo'lsa, jingalaklar shuncha ko'proq pishiq bo'ladi. Jun tolalari qalinligi bilan jingalaklar zichligining o'zaro bog'liqlik koeffitsienti qora qorako'l terilarda ancha katta, ko'k terilarda esa kichikroq bo'ladi. Sur terilar bu jihatdan oraliq o'rinda turadi.
Jingalaklarning teri bo'ylab joylanishi. Teridagi jingalaklar hamisha o'ziga xos naqsh hosil qiladi, naqshlarning shakllanishida esa qalam gul va boshqa shakldagi jingalaklarning joylanishi muhim rol o'ynaydi. Jingalaklar to'lqini qancha uzun bo'lsa, terining naqshi shunchalik chiroyli bo'lib chiqadi. Jingalaklar buralganligining yaqqol ko'zga tashlanib turilishi, ularning eni va balandligi, chok eni va tola sifati ham naqshga ko'rkamlik baxsh etadi.
100
V.M.Yudin jingalaklar joylashining uch tipini ta'riflab bergan:

1. 
   Parallel-to'g'ri joylanish - bunda jingalaklar terining o'rta chizig'i bo'ylab joylashgan bo'ladi. To'g'ri yoki bilinar-bilinmas egilgan uzun-uzun jingalaklar terming butun ko'ndalang yuzasi bo'ylab parallel yotiq holatda joylashgan;
   
2.