Saodat sadirova

Oziqlantirish va saqlash sharoitlari, kelib chiqish hududi va so'yish mavsumining echki terilariga ta'siri. Echkilami oziqlantirish va saqlash sharoitlari, kelib chiqish hududi, yoshi, zoti strukturasi va uning tovar texnologik xossalariga katta ta'sir ko'rsatadi. To'yib ovqatlanish va shirali ozuqa teri sifatini yaxshilaydi: issiq qo'ralarda saqlanadigan echkilar terisining dermasi katta pishiqlikka ega, chunki bunday sharoitda jun qoplamidagi tivit kam miqdorda rivojlanadi. Quruq iqlim sharoitidagi echkilar terisi nam va salqin iqlimdagi echkilar terisiga nisbatan oz bo'lib, pishiqligi ham shunga yarasha.
Kuzgi so'yish mavsumida (avgust-oktyabr) olingan echki terilari sifati bo'yicha qimmatliroq hisoblanadi: voyaga yetgan echkilarning terilari pishiq, ochiq rangli va elastik teri to'qimasiga ega, jun qoplami tekis va yaltiroq, tivit miqdori kam. Yosh echkilar terisining (maydoni 45-60 dm²) teri to'qimasi pishiq va elastik bo'ladi. Ushbu terilarda nuqsonlar kam bo'ladi.
Yozgi so'yish mavsumi iyun-iyul oylarida olib boriladi. Bu davrda olingan terilar (asosan, yosh echkilar) yengil, yupqa, dermasi pishiq, dastlabki juni to'kilmagan maydoni katta emas - 45 dm² gacha. Ushbu mavsumda olingan voyaga yetgan echkilarning terisi kuchsiz teri to'qimasi, xiyla zichligi, tugallanmagan tullash izlari va ko'p sonli nuqsonlari bilan farq qiladi.
Qishki so'yish mavsumi noyabr-fevral oylarida olib boriladi. Bu davrda terilar yirik, ammo kuzga nisbatan pishiqligi kamroq, dermasi bo'sh, jun qoplami o'sib ketgan soch va tivitdan tashkil topgan bo'ladi.
Nav bo'yicha bunday echki terisi kuzgi so'yish mavsumida olingan echki terilaridan keyinda turadi.
Ishlatilishi. Teri ishlab chiqarishda echki terilaridan turli xil maqsadlarda foydalaniladi. Yosh echkilarning terisidan layka charmi, laklangan charm, astarlik charm, voyaga yetgan echki terilaridan shevro va laklangan charm, katta yoshdagi echkilarning terisidagi shevro, poyabzalning ustki qismi uchun xromli echki charmi, velyur va astarlik charmlari ishlab chiqariladi.
66

Kelib chiqish hududi echki terilarining tashqi va tovar xossalariga juda kuchli ta'sir qiladi. Charm ishlab chiqarishga mo'ljallangan echki terilari uch guruhga: daromadli, dasht va yovvoyi echkilar terisiga bo'linadi.