Sanoat xavfsizligi

§ 9. Shikoyat va murojaatlarni ko‘rib chiqish
40. Ekspert tashkiloti buyurtmachi yoki boshqa shaxslarning shikoyat va murojaatlarini ko‘rib chiqish tartibini ishlab chiqishi va tatbiq qilishi kerak.
41. Ekspert tashkiloti barcha shikoyat va murojaatlarni hamda ularni ko‘rib chiqish natijasida qilingan ishlar haqidagi yozuvlarni qayd etishi lozim.
§ 10. Ekspert tashkilotida o‘zgarishlar
42. Vakolatli organ akkreditatsiya qilingan ekspert tashkilotlari reyestrini yuritish, mazkur Qoidalarning talablariga doimiy muvofiqlikni o‘rnata olishi va zarurat bo‘lganida akkreditatsiya attestatiga o‘zgartirishlar kirita olishi uchun, ekspert tashkiloti barcha rejalashtirilayotgan quyidagi o‘zgartirishlar to‘g‘risida, ular kiritilmasidan oldin xabar berishi zarur (rahbariyatga shtatlarda bo‘ladigan o‘zgartirishlar oldindan noma’lum bo‘lgan hollar bundan istisno bo‘lib, bu o‘zgartirishlar to‘g‘risida imkoni boricha qisqa muddatda xabarnoma yuboriladi):
a) yuridik shaxsga tegishli ma’lumotlar;
b) ekspert tashkiloti nomi, yuridik va pochta manzillari;
v) mas’ul rahbar va mazkur Akkreditatsiya mezonlarining 12-bandiga muvofiq tayinlangan xodim;
g) ekspert tashkiloti faoliyatiga ta’sir ko‘rsatishi mumkin bo‘lgan binolar, jihozlar, asboblar, materiallar, ish tartiblari va xodimlar.
Akkreditatsiya mezonlariga
1-ILOVA

Akkreditatsiya sohasidagi ishlarni bajaruvchi xodimlar tarkibi
T/r	F.I.O.	Lavozimi		Ma’lumoti		Faoliyat sohasi, ekspertiza obyekti			Ichki attestatsiyadan o‘tganligi to‘g‘risidagi ma’lumotlar (ekspert guvohnomasi haqidagi ma’lumotlar)	Izoh
1	2	3		4		5			6	7
Izoh: mazkur tashkilot asosiy ish joyi hisoblangan mutaxassislardan tashqari jalb qilinadigan boshqa tashkilot mutaxassislari alohida ko‘rsatiladi (bu haqda jadvalning 7-bo‘limida ko‘rsatiladi).