Sanoat texnologiyasi

Sanoat kooperatsiyasini taraqqiy ettirish va ishlab chiqarishni mahalliylashtirishning istiqbollari
Iqtisodiyot vazirligi va boshqa mutasaddi tashkilotlar bilan birgalikda ichki va tashqi bozorda yuqori talabga ega bo‘lgan mahsulotlar ro‘yxatini shakllantirish hamda vazirlikning rasmiy veb-saytida (www.mineconomy.uz/local) chop etish amaliyoti tashkil etgan. Tadbirkorlarga ushbu ro‘yxat asosida, o‘zlashtirishga taklif etilgan va import o‘rnini bosuvchi yangi turdagi mahsulotlarni ishlab chiqarishni yo‘lga qo‘yish tavsiya etilmoqda.
Mahalliy mahsulotlarni ishlab chiqarishni o‘zlashtirgan korxonalarga yagona soliq to‘lovi, mulk va foyda solig‘i hamda bojxona to‘lovlaridan ozod etish bo‘yicha imtiyozlar taqdim etiladi.
O‘rta va uzoq muddatli istiqbolda ishlab chiqarishni mahalliylashtirish va sanoat kooperatsiyasini rivojlantirish dasturlari mahalliy xomashyoni 3-4 bosqichli tizimida, ya'ni birinchi bosqichda xomashyoni dastlabki qayta ishlash, va yarim fabrikatlar tayyorlash, keyingi bosqichda sanoat asosida ishlab chiqarish uchun tayyor materiallarga aylantirish, uchinchi, yakuniy bosqichda esa iste'mol uchun tayyor mahsulot ishlab chiqarish orqali jahon bozorida talab katta bo‘lgan mahsulotga aylantirish yo‘nalishida iqtisodiyotning tarmoqlari salohiyatini safarbar etishning samarali instrumenti sifatida amalga oshiriladi.
Ishlab chiqarishni tashkil qilish shakllari va uning turlari

Ishlab chiqarish samaradorligini oshirish uchun eng qulay imkoniyatlar uni tashkil qilishning ixtisoslashtirish, kooperatsiyalashtirish, konsentratsiyalash va ishlab chiqarishni kombinsatsiyalash shakllaridan foydalanganida yaratiladi.

Ixtisoslashtirish – turdosh mahsulotlar ishlab chiqarishni alohida tarmoqlarda, bir xil turdagi birlashmalar yokitsexdagi turdagi mahsulotlarning cheklangan sonli turlarini ishlab chiqarishni mujassamlashtiradi. Korxonalarning ixtisoslashtirishi moddiy va mehnat resurslaridan yaxshiroq foydalanish uchun imkoniyatlar yaratadi, mahsulot sifatini yaxshilashga yordam beradi.