Sanoat ishlab chiqarishini tashkil etish

Jamiyat quyidagi hollarda o‘z foydasini jamiyat ishtirokchilari o‘rtasida taqsimlash to‘g‘risida qaror qabul qilishga haqli emas:

• 
  jamiyatning butun ustav fondi (ustav kapitali) to‘liq to‘langunga qadar;
  
• 
  jamiyat ishtirokchisi ulushining (ulushi bir qismining) haqiqiy qiymati to‘langunga qadar;
  
• 
  agar bunday qarorni qabul qilish paytida jamiyat qonunga muvofiq bankrotlik belgilariga javob bersa yoki agar mazkur belgilar jamiyatda shunday qaror qabul qilinishi natijasida paydo bo‘lsa;
  
• 
  agar shunday qarorni qabul qilish paytida jamiyat sof aktivlarining qiymati uning ustav fondidan (ustav kapitalidan) va zaxira fondidan kam bo‘lsa yoki shunday qaror qabul qilinishi natijasida ularning miqdoridan kamroq bo‘lib qolsa;
  
• 
  qonun hujjatlarida nazarda tutilgan boshqa hollarda.
  

Jamiyat o‘z ishtirokchilari o‘rtasida taqsimlanishi to‘g‘risida qaror qabul qilingan quyidagi hollarda jamiyat ishtirokchilariga foydani to‘lashga haqli emas:

• 
  agar to‘lash paytida jamiyat qonunga muvofiq bankrotlik belgilariga javob bersa yoki agar mazkur belgilar jamiyatda to‘lov natijasida paydo bo‘lsa;
  
• 
  agar to‘lash paytida jamiyatning sof aktivlari qiymati uning ustav fondidan (ustav kapitalidan) va zaxira fondidan kam bo‘lsa yoki to‘lash natijasida ularning miqdoridan kamroq bo‘lib qolsa;
  
• 
  qonun hujjatlarida nazarda tutilgan boshqa hollarda.
  

Jamiyat o‘z ishtirokchilari o‘rtasida taqsimlanishi to‘g‘risida qaror qabul qilingan foydani to‘lashi shart.
Jamiyat obligatsiyalarni qonun hujjatlarida belgilangan tartibda joylashtirishga haqlidir.
Jamiyat o‘zining ustav fondi (ustav kapitali) yoki uchinchi shaxslar tomonidan ana shu maqsadda jamiyatga berilgan ta’minot miqdoridan ustav fondi (ustav kapitali) to‘liq to‘langandan keyingi miqdordan oshmaydigan summadagi obligatsiyalarni joylashtirishga haqlidir.
Obligatsiyalar egalarining majburiyatlari bajarilishini kafolatlash maqsadida uchinchi shaxslar tomonidan jamiyatga berilgan ta’minot mavjud bo‘lmagan taqdirda, jamiyat tomonidan obligatsiyalarni joylashtirishga jamiyat mavjudligining kamida uch yilidan keyin bu davrga kelib jamiyatning ikki yillik balanslari lozim darajada tasdiqlangan hollarda yo‘l qo‘yiladi.

4.