Sanoat binolari

Rasm 4.1. Sanoat binosining xajmiy-rejaviy elementlari. a)-reja; b)-bir qavatli bino qirqimi; v)-ko‘p qavatli bino qirqimi;


Binoning perimetri –bu binoni ko‘ndalang va bo‘ylama yo‘nalishda o‘rab turgan tashqi o‘rab turuvchi konstruksiyalari (devor) bo‘ylab uning tashqi sirti uzunliklari bo‘yicha aniqlangan o‘lchamidir.
Binoning eni – bu binoni ko‘ndalang tomonidan o’rab turuvchi konstruksiya (devor) ning tashqi sirti uzunligi bo‘yicha aniqlangan o‘lchamidir.
Binoning uzunligi – bu binoni bo‘ylama tomonidan o’rab turuvchi konstruksiya (devor) ning tashqi sirti uzunligi bo‘yicha aniqlangan o‘lchamidir.
Prolyot – bu binoning bo‘ylama yo‘nalishdagi parallel ravishda joylashgan yuk ko‘taruvchi konstruksiyalarining koordinatsion o‘qlari orasidagi masofadir.
Qadam – bu binoning ko‘ndalang yo‘nalishdagi parallel ravishda joylashgan yuk ko‘taruvchi konstruksiyalarining koordinatsion o‘qlari orasidagi masofadir.
Bino va inshootlarni loyihalashda balandlik quyidagi ko‘rinishlarda qarab chiqiladi:
Binoning balandligi - bu, bino 1-qavatining polidan (0,00) bino tomining eng yuqori nuqtasigacha bo‘lgan masofadir.
Qavatning balandligi - bu, bino 1-qavatining polidan (0,00) 2- qavatining poligacha bo‘lgan masofadir.
Xonaning balandligi - bu, bino 1-qavatining polidan (0,00) shiftigacha (bir qavatli binolarda tomning yuk ko‘taruv konstruksiyasining pastki qismigacha) bo‘lgan masofadir.
Binoning hajmi - ikki qismga bo‘linib er usti xajmi va er osti hajmlariga ajratiladi. Binoning er usti hajmi birinchi qavatning derazalar balandligi bo‘yicha bo‘ylama kesim yuzasi hajmining, 1-qavat poli (0,00) balandligidan tom konstruksiyasi balandligining o‘rta qismigacha bo‘lgan ko‘paytmasi bilan aniqlanadi. Binoning er osti hajmi erto‘la poli maydoni hajmining, erto‘la poli chuqurlik o‘lchamining 1-qavat poli (0,00) balandligigacha bo‘lgan ko‘paytmasi bilan aniqlanadi.
Bino turli xil balandliklarga va alohida bo‘laklarga ega bo‘lganda binoning hajmi alohida-alohida hisoblanadi.
Binolarning qavatlar sonini aniqlashda barcha er usti qavatlari, shu jumladan orayopmalarining joylashish balandligi er sathidan 2 m.dan ziyod bo‘lgan texnik, sokol va mansard qavatlari ham er usti qavatlari soniga kiritiladi. Bino ostidagi erto‘la va er sathidan 1,8 m. dan kam balandlikka ega bo‘lgan barcha hajmlar er usti qavatlari soniga kiritilmaydi. Binolar uchun liftlarni loyihalashda texnik qavatlar er usti qavati sifatida hisobga olinmaydi.