Санитарно-гигиенические требования к содержанию, устройству и организации режима работы дошкольных образовательных учреждений

II. МАКТАБГАЧА ТАЪЛИМ МУАССАСАЛАРИНИ ЖОЙЛАШТИРИШГА ҚЎЙИЛАДИГАН ТАЛАБЛАР
2.1 МТМ ларини қуриш учун ер майдонини тақдим этиш маҳаллий ҳокимият қарори ва ер майдонини ажратилганлиги тўғрисидаги санитар-эпидемиологик хулоса мавжуд бўлганда рухсат этилади.
2.2 МТМ биноси турар жой микрорайонларининг квартал ичи ҳудудида, шунингдек, шаҳар кўчаларидан узоқлаштирилган индивидуал турар жой биноларида, Санитар қоида ва меъёрлари талабларига жавоб берадиган атмосфера ҳавосини ифлосланиш даражаси ва шовқинни йўл қўйиладиган даражасини таъминловчи квартал ичи йўллари билан чегараланган холатда жойлаштирилади.
2.3 МТМ биноси турар жой бинолар қурилиш зонасида, ишлаб чиқариш корхоналари атрофида ташкил этилган санитар-ҳимоя минтақасидан ташқарида, қурилмалар ва бошқа объектлардан ташқарида, гаражлардан, автотураргоҳлардан, йирик автомагистраллардан, темир йўл транспорти объектларидан, метрополитен йўли тармоғидан, ҳаво транспортини учиш ва қўниш маршрутларидан санитар ҳимоя минтақасини сақлаган ҳолда жойлаштирилади.
МТМ биносини жойлаштирганда ўйин майдонлари ва хоналарни табиий ёритилиши, инсоляцияни меъёрий даражасини таъминлаш мақсадида СанҚ ва М ҳисобга олган ҳолда турар жой ва жамоат биноларидан санитар ҳимоя чегарасини ҳисобга олган холда жойлаштирилади. МТМ ҳудуди орқали шаҳар ва қишлоқ аҳамиятига эга бўлган магистрал муҳандислик коммуникацион тизим элементлари-сув таъминоти, канализация, иссиқлик таъминоти, энергия таъминоти, газ таъминоти тизимлари ўтмаслиги керак.
2.4 Шаҳар ва қишлоқ шароитида МТМларни қуриш даврида уларга пиёда етиб олиш радиуси-0,3-5 км дан ошмаслигини ҳисобга олиш зарур.
2.5 Қайта қурилаётган МТМлари учун ер майдонининг ҳудуди ШМҚ 2.07.01-03 “Шаҳарсозлик. Шаҳар ва қишлоқ ахоли турар жой минтақалари қурилиш ҳудудини ривожлантиришни режалаштириш”, ИҚМ (Идоравий қурилиш меъёрлари) га мос холда ташкил этилиши керак.
МТМ биноси ичи майдонидаги гуруҳ ячейкасида бир ўрин учун 3,3м² , оилавий типдаги МТМда эса бир ўрин учун 3 м² жой ташкил этилиши керак.
2.6 Кўп қаватли турар жой биноларининг биринчи қаватида жойлашган МТМларнинг гуруҳ ячейкаси майдони бир ўрин учун 2,8м² дан кам бўлмаслиги керак.
2.7 Квартал ичи чиқинди йиғиш павильонларини МТМ чегарасидан 20 метрдан кам бўлмаган масофада жойлаштириш талаб этилади.