Sana: sinf: 7 Mavzu : Yog’ochni quritish va saqlash qoidalari yog’ochdan tayyorlanadigan buyumlarga pardoz berishda ishlatiladigan materiallar

Qo‘qon davlat pedagogika instituti sirtqi bo‘lim boshlang‘ich ta’lim yo‘nalishi 05/21-guruh talabasi Azimova Gulbaxor Baxtiyor qizining boshlang‘ich ta’limda bolalar adabiyoti fanidan “Zafar Diyorning hayoti va ijodi” mavzusida tayyorlagan taqdimoti

Reja:

• Zafar Diyorning hayoti va ijodi.
• Zafar Diyorning she’rlaridagi g‘oyalarning bolalar ruhiyatiga ta’siri.

3. “Kapalak” she’ri tahlili
4. Xulosa

Zafar Diyor hayoti
Butun hayoti va ijodini kichkintoylarga baxshida etgan Zafar Diyor bolalarning kitobxonligini oshirish maqsadida ularga murojaat qilib, shunday degan ekan:
– Ilm oʻrganish eng moʻtabar ishdir. Ilm odamning qadrini oshiradi, ilmli kishilar dunyoda eng izzatli, hurmatli boʻladilar. Ilm dunyoda odamlar uchun eng sevimli, eng shirin neʼmatdir. Shunday ekan, siz dunyoda rohatda yashashni istasangiz, hamma meni sevsin desangiz, bor kuchingiz bilan oʻqishga, ilm olishga gʻayrat qiling.
Bolalar! Oʻqing, darsga ixlos qoʻyib oʻqing, foydali kitoblardan foyda va lazzat olish uchun oʻqing. Kishining eng aziz, eng shirin va eng qimmatli vaqti yoshlik davridir. Shunday qimmatli yoshligingizni, aziz umringizni foydasiz ishlarga sarf qilmang, kitob oʻqing, faqat kitob oʻqing!
Zafar Diyor 1912-yilda Namangan viloyatining hozirgi Chust tumani, Samsoqtepa qishlogʻida kambagʻal dehqon oilasida tugʻildi. 1916-yilda Zafarlar oilasi Toshkent shahriga koʻchib keladi. Zafarning otasi dalada, onasi esa bosmaxonada mehnat qiladilar.
1927-yilda Zafar toʻliqsiz oʻrta maktabni bitiradi va Samarqanddagi Narimonov nomli pedagogika texnikumiga oʻqishga kiradi. Texnikumda oʻqib, koʻproq ilm-fan sirlaridan bahramand boʻlishga harakat qiladi. Uning dastlabki sheʼriy mashqlari bilim yurti devoriy gazetasi sahifalarida koʻrina boshlaydi.
Yigirmanchi yillarning oxiri va oʻttizinchi yillarning boshlarida uning yoshlar gazeta va jurnallarida ilk sheʼrlari chop etila boshlandi. Zafar Diyorning birinchi sheʼri yosh shoirlarning “Qurilish kuylari” degan toʻplamida bosilib chiqdi. Koʻp oʻtmay uning birinchi sheʼrlar toʻplami “Qoʻshiqlar” nomi bilan 1933-yilda nashr etildi.
Yosh shoir 1933-yilda bilim yurtini muvaffaqiyatli bitirgach, oʻqituvchi boʻlib ishlay boshladi. Bu hol uning maktab va bolalar hayoti bilan yaqindan tanishishida, yosh avlod hayoti haqida yozadigan asarlarining hayotiy, puxta boʻlishida ijobiy oʻrin tutadi.
1934-yilda Zafar Diyor Samarqanddan Toshkentga qaytadi va hozirgi “Tong yulduzi” gazetasida adabiy xodim, keyinroq esa masʼul kotib boʻlib ishlay boshlaydi. Shu bilan birga, u hozirgi Toshkent davlat pedagogika universitetining til va adabiyot fakultetiga kirib, oʻqishni davom ettiradi. Oʻzbek hamda qardosh xalqlar yozuvchilarining asarlarini qunt bilan oʻqiydi, oʻrganadi.
Oʻsha yillari gazetada Zafar Diyor bilan birga ishlagan yozuvchi Hakim Nazir oʻz esdaliklarida shunday yozadi: “Men Zafarni oʻylasam uni nuqul shod-xurram bolalar qurshovida, quvnoq chehrasidan nur taralib, sertabassum lablaridan sheʼr durdonalari yogʻilayotganday koʻraman. Chindan ham, u bolalarga juda yaqin edi. Maktablar va bolalar uylarida, kutubxona va bogʻchalarda bot-bot boʻlar, yosh kitobxonlarga yangi-yangi sheʼrlarini bolalarcha muloyim, sodda, shirali ovoz bilan oʻqib berar, ayrim sheʼrlarini yoddan ifodali oʻqir, bolalarga ham sheʼr oʻqitib eshitardi. Shunda u oʻzining qaysi sheʼrlari bolalar koʻrigidan yaxshi oʻtganini, qaysi sheʼrni koʻproq sevib qolganlarini koʻrar, bolalarga yoqtirish uchun qanday sheʼrlar yozish lozimligini fahmlab olardi. “Biz bolalarga nuqul oʻrgatibgina qolmay, ulardan oʻrganib ham turishimiz kerak”, derdi.
Ijodi
Zafar Diyor 1935-yilda dastlabki mashhur asarlaridan biri boʻlgan “Mashinist” dostonini yaratdi.