Sana: Fan: Kimyo Tadbir mavzusi

Oltin
Yo, tovba-ey
Qachondan boshlab
Sen aqlning kaliti bo’lding?!
Fosfor
(Kekkayib)
Sen o’zingga oro berguncha
Kitoblarni o’qigin, bilgin!
Aytib qo’yay, yana, maslahat
Qovurilgan baliq yeb turgin!
Shunda aqling tiniqlashadi,
Bu xossamnisen bilib qo’ygin.
(Oltin jahli chiqib elementlar oldiga ketib qoladi)
Fosfor
(Gapida davom etib, Oltinga qarab)
Gaplaringda ma’no bor, lekin
Barcha faqat senga intilmas
Ilmu hunar yo’lin tutganlar
Seni aslo nazarga ilmas.
(Zaldagi o’quvchilarga qarab)
Bilasizlar ey, aziz do’stlar
Allatropik shakl o’zgarish
Bu mendagi ajib bir xossa
Ammo goho keltirar tashvish
(Xo‘rsinib)
– Nechun?– dersiz. Ha, to‘g‘ri savol,
Javobini tinglang bemalol.
Gohi «oq»man, gohida «qora»,
«Qizil» tanli og‘amiz ham bor.
(U stol ustida turgan idishlardagi fosfor (uch xil)ni ko‘rsatadi)
Xossamizni bilmaganlarga,
Deyman: – axir, o‘qingiz takror!
Chunki «oq»im juda zaharli,
«Qora»sichi qo‘lni ko‘ydirar.
«Qizil»imdan gugurt yasashib.
Inson doim olov yondirar.
Ortafosfat, metafosfatlar,
Apatitu, superfosfatlar,
Yerga ishlov berishga kerak.
– Rahmat,– deydn menga dehqonlar.
Yerga axir oziq bo‘laman
Yerni sozlab, ishlab beraman!
(Metallar orasidan Natriy shoshib chiqib keladi)
Natriy
(Baland tovush bilan, uni mensimay)
Ola, do‘stim xo‘p maqtanding-ku
Kerak bo‘lsa suvda yonaman.
Vodorodni o‘rniga bilsang,
Kislorodga men birikaman.
Suvda yonmoq osonmi, axir?!
Ko‘pchilikning qo‘lidan kelmas.
Ishqorlarim tering o‘yadi,
Ehtiyotroq bo‘lib yursang bas!
Kerosinni tagida har kun,
Jonni saqlab yashab kelaman.
Suvga tushsam, eh, oshna tushun,
Mana shunday yonib ketaman.
O‘rtoqlarim juda mustahkam
O‘q tesholmas ba’zilarini,
Ular ichra «yumshoq» bolaman.
Ko‘rgansan-a, kesganlarini.
(Metallmaslar orasidan Kislorod kibor bilan uning oldiga yurib keladi)