Sana: 12,13,14,15 sentyabr 2011yil

Darsning borishi:

I. Tashkiliy qism.

a) salomlashish.

b) davomatni aniqlash.

II. Yangi mavzuning bayoni.

Har bir davlat o‘z faoliyatining asosiy yo‘nalishlarini belgilaydi. Bu yo‘nalishlar uning asosiy vazifalaridan kelib chiqadi. Davlatning funksiyalari - davlat faoliyatining asosiy yo‘nalishlari bo‘lib, ularda davlatning ijtimoiy jihatlari ro‘yobga chiqariladi.Davlatning mavjudligi, uning zarurligi, davlatning funksiyalarida o‘z aksini topadi. Davlat o‘z faoliyatida bir qancha funksiyalar (faoliyat yo‘nalishlari)ni amalga oshiradi. Bu funksiyalarni mamlakat ichida yoki tashqarisida amalga oshirilishidan kelib chiqib tashqi va ichki funksiyalarga ajratish mumkin. Davlat o‘z funksiyalarini amalga oshirish borasida ko‘plab vazifalarni bajaradi. Bu vazifalarni bajarish orqali davlat funksiyalarini ado etishga erishadi.

Davlat bajaradigan vazifalarni sohalar bo‘yicha ham turlarga ajratish murnkin. Bunda davlatning ichki funksiyalariga oid vazifalar quyidagilardan iborat bo‘ladi. Iqtisodiy vazifalar: Iqtisodiy siyosatni ishlab chiqish va iqtisodiyotga ta’sir o‘tkazish. Iqtisodiyotning davlat sektori (zavod-fabrikalar, dalalar, konlar)ni boshqarish. Bozor munosabatlarining huquqiy asoslari va narx siyosatini yo‘lga qo‘yish. Ijtimoiy vazifalar: Aholining yordamga muhtoj qismini himoyalash.Sog‘liqni saqlash va ta’lim tizimini qo‘llab-quvvatlash. Aholini ijtimoiy ne’matlar bilan ta’minlash. Siyosiy-huquqiy vazifalar: Fuqarolarning huquq va erkinliklarini himoya qilish. Qonuniylik va tartibni ta’minlash. Tinchlik va millatlararo totuvlikni saqlash.

“O‘zbekiston Respublikasi o‘zining milliy-davlat va ma’muriy-hududiy tuzilishini, davlat hokimiyati va boshqaruv organlarining tizimini belgilaydi, ichki va tashqi siyosatni amalga oshiradi”.

O‘zbekistonning davlat chegarasi va hududi daxlsiz va bo‘linmasdir.

O‘zbekiston Respublikasining Konstitutsiyasi, 3-modda.