Самиғов н. А. Бино

Ёғочни ҳашорат ва қуртлар зараридан асраш. Ёғочни пўстлоқдан тозалаш ва сақлашда санитария меѐрларига риоя қилиш керак. Аммо қурт ва ҳашоратлар ѐғочни ишлатиш даврида ҳам шикастлаши мумкин. Ушбу ҳолатда ѐғочни захарли моддалар (инсектицидлар) – мойли антисептиклар, органик эритувчилардаги препаратлар, ДДТ пастаси (дихлордифенил- трихлорэтан), хлорофос эритмаси (диметилтрихлороксиэтилфосфонат), хлорпикрин гази билан қайта ишланади.
Ёнишдан сақлаш. Ёғочларни ѐнишдан асраш учун уларни сақлаш қоидаларига риоя қилиш, бино ва иншоотларда ишлатилганда олов марказидан узоқда бўлиши ѐки ѐнмайдиган материаллар – асбест – картон ва асбест – цемент тахтаси, турли сувоқлар билан қоплаш зарур. Хусусий холларда ѐғочни ѐнишдан асраш учун антипиренлар билан қоплаш ѐки шимдириш керак. Антипирен сифатида бура, аммоний хлорид, натрийли ва аммонийли фосфоркислоталар, аммоний сулфат ва геллар ишлатилади. Антипирен бўѐқ ва пасталар кукун тўлдирувчилар киритилган ҳолда ишлатилади. Ҳимоя қатлами мўйқалам ѐки сепувчи мосламалар ѐрдамида ѐғочга қопланади.
Антипиренлар ѐғоч қизиганда унинг юзасида қаттиқ эриган парда ҳосил қилади ва кислородни ички қатламларга ўтказмайди, баъзи антипиренлар юқори ҳароратда ѐғочни ѐнишдан асровчи газлар ҳосил қилади. Зарурат бўлса, антипиренлар билан антисептикларни мутаносиб равишда аралаштириб, ѐғочни чиришдан ва ѐнишдан сақланади.

6. Ёғоч материаллар ва буюмлар

Ёғоч материаллар, асосан, игнабаргли дарахтлар бир-неча босқичда қайта ишлаб тайѐрланади. Игнабаргли дарахтлардан қарағай, қора қарағай, (ел), оқ қарағай (пихта), писта қарағай, (кедр) ва тилағоч кўп ишлатилади. Қарағай ѐғочидан брус, тахта, дурадгорлик буюмлари, фанер ва ш.к. олинади.
Баргли дарахтлардан қурилишда ўта зич, текстураси чиройли эман, қора қайин (бук), ясен шпон ва махсус фанерлар олишда, оқ қайин эса пишиқ фенерлар тайѐрлашда ишлатилади.