Самиғов н. А. Бино

Лабродорит-асосан дала шпати ва лабродор минералидан иборат бўлиб, габбронинг бир тури ҳисобланади. У кўк, яшил, сариқ ва бошқа рангларда бўлади ва жилоланганда тобланади. Лабродорит кошинлашда, хайкалтарошликда ишлатилади.
Магматик отқинди тоғ жинсларидан асосан порфирлар, диабаз, базалт, андезит ва бошқалар қурилишда кўп ишлатилади.
Порфирлар-майда кристалли структурада нисбатан йирикроқ кристаллар мавжудлиги билан характерлидир. Улар кварцли ва кварцсиз
(дала шпати) хиллари мавжуд. Кварцли порфирлар минерал таркибига кўра гранитга яқин бўлгани учун унинг хоссалари гранитникига ўхшайди. Кварцсиз порфирлар таркиби жихатидан сиенитга ўхшайди, аммо хоссалари сиенитнинг хоссалари каби бўлмайди. Порфирлар қизил, қўнғир, кул рангида тобланади, зичлиги 2,4-2,5 гсм³, сиқилишдаги мустаҳкамлиги 120-180 МПа. Улар безак плиталар тайѐрлашда ишлатилади.
Андезит-плагиоклаз, роговая обманка, пироксенлар ва биотитдан иборат бўлиб, диоритнинг ўхшашидир. Одатда кулранг, сарғиш кулранг бўлади. Унинг зичлиги 2,7-3,1 гсм³, сиқилишдаги мустаҳкамлиги 140-250 МПа. Андезит агрессив мухитга чидамли плиталар, дисперс тўлдиргичлар олишда ишлатилади.
Базалт-зич,гохида порфирсимон структурага эга бўлиб, габбронинг ўхшашидир. Унинг зичлиги 2,7-3,3 гсм³, сиқилишдаги мустаҳкамлиги 110- 500 МПа. Базалт харсанг тош, майдаланган холатда бетон учун тўлдиргич сифатида ишлатилади. Базалтни юқори ҳароратда эритиб жуда нозик толалар ва улардан иссиқлик изоляцияси матолари олиш мумкин.
Диабаз-габбронинг ўхшаши бўлиб, майда кристалли структурага эга. Таркиби плагиоклаз ва рангли (қора) минераллардан иборат. Диабаз жуда қаттиқ, мустаҳкам (300-400 МПа), зич бўлгани учун ободонлаштиришда ишлатилади.
Пемза-ғовак вулканик шиша оқ ѐки кулранг бўлади. Ғоваклиги 60%, зичлиги 2-2,5 гсм³, ўртача зичлиги 0,3-0,9 гсм³, сиқилишдаги мустаҳкамлиги 2-4 МПа. Пемза асосида иссиқлик изоляцияси буюмлари, енгил бетонлар учун тўлдиргич тайѐрланади.