Samarqand viloyatida qishloq turizimini rivojlantirishning geografik xususiyatlari

Samarqand tumani qishloq turizmi. Samarqand tumani “Konigil” turizm qishlog‘i hisoblanadi. Qishloq bo‘ylab sayohat “Konigil” turizm qishlog‘ini tashkil etish bo‘yicha ishlab chiqilgan konsepsiyaga asosan 20 ga yaqin xonadonlarda har xil yo‘nalishlar hunarmandchilik uy mehmonxonalari va ovqatlanish shahobchalari faoliyati yo‘lga qo‘yilgan. Samarqand shahri markazidan uzoqligi 7,3 km. Siyob arig‘i bo‘ylab 800 metr uzunlikda piyodalar yo‘lagi tashkil etilgan. Qog‘oz fabrikasi bo‘ylab ishlab chiqarish jarayoni bilan tanishish imkoni mavjud. Ichki yo‘llar ta’mirlangan, tabiiy gaz trubalari hamda elektr simyog‘ochlar tartibga keltirilgan. 38 ta aholi xonadonlari fasad qismi milliycha uslubga moslashtirilgan. Hududda sayr va sayohat qilish uchun ot va eshak aravalar, 6, 8 va 10 kishilik velomobillar xizmatlari yo‘lga qo‘yilgan. Konigil Samarqand tumani Cho‘ponota tepaligi yetagida joylashgan. Samarqand qog‘ozi, kulolchilik, duradgorlik va boshqa hunarmandchilik an’analari bugungi kunga qadar saqlanib qolgan hudud sanaladi. Bu yerga mahalliy va xorijiy sayyohlar kelib, xalqimizning qadimiy an’ana va qadriyatlari, milliy hunarmandchilik namunalari bilan tanishishadi. Jumladan, tarixiy Samarqand qog‘ozini ishlab chiqarish jarayonlari, kongillik kulollarning ishi sayyohlarni o‘ziga rom yetib, ularni bu manzilga chorlayveradi. Qishloqning infratuzilmasi yanada yaxshilanib, binolarning tarixiy qiyofasi tiklandi hamda madaniy ko‘ngilochar dasturlar tashkil yetish uchun imkoniyat yaratildi. Mehmonlarning tabiat qo‘ynida dam olishlari hamda sayr qilishlari uchun Siyob arig‘i atrofida piyodalar yo‘lagi, dam olish maskanlari, mehmon uylari, ovqatlanish shahobchalari tashkil yetilgan. Suvenir va savdo do‘konlari – qo‘l mehnati bilan tayyorlangan hunarmandchilik mahsulotlari va esdalik sovg‘alari sotish do‘koni, rasta va yengil konstruksiyali do‘kon mavjud. Hunarmandchilik uylari va ustaxonalari-hunarmandchilikning kulolchilik, sandiqsozlik, durodgorlik, kashtachilik, zardo‘zlik, zargarlik, kosiblik, temirchilik, ustoz-shogird an’analari, tayyor mahsulotga ishlov berish v a boshqa an’ana viy turi bilan shug‘ullanadigan usta-hunarmandning qo‘l mehnati faoliyati va ish jarayoni bilan tanishish imkoni bo‘lgan xonadonlar mavjud.