Samarqand veterinariya meditsinasi instituti

Hayvonlarni avtomashinalarda tashish - hayvonlarni tashishda maxsus jihozlangan va boshqa turdagi yuk avtomashinalaridan foydalanish mumkin. Avtomashinalarni bortlari 100 - 110 sm gacha baland kilinadi, to‘siqlar qilinib, ustiga soyabon tortiladi. Avtomashinalar bilan hayvonlarni 400-500 km bo‘lgan masofalargacha tashish mumkin. Bunda maxsus hayvonlarni tashiydigan yoki oddiy jihozlangan avtomashinalar ishlatiladi. Hayvonlarni maxsus mashinalarda tashish iqtisodiy tomondan ancha foydali. MM3 - 776 mashinasida 18 - 20 bosh qoramol, OdA3 - 8576 mashinasida 16 bosh qoramolni tashish mumkin. Parrandalarni tashish uchun 5 - 6 qavatli, 10 - 12 seksiyali 200 - 300 boshga mo‘ljallangan maxsus konteynerlar o‘rnatilgan mashinalardan foydalaniladi. YOsh jo‘jalar maxsus yashiklarda tashiladi. Furgon avtomobil bilan bir reysda 6000 tovuq, 8000 kurka, 6000 o‘rdak va 2000 g‘oz jo‘jasi yoki 180 ming tovuq tuxumini tashish mumkin. Parrandalarni yo‘lda har 6 soatda oziklantiriladi. Yirik hayvonlar mashinalarga bosh tomoni bilan bortga bog‘lanadi. Jihozlangan mashinalarga 2 - 5 boshdan yuklanadi. Otlarning taqasi olinadi. YOsh hayvonlar, cho‘chqalar, qo‘ylar bog‘lamasdan tashiladi, lekin joylashtirilganda erkin dam oladigan bo‘lishi kerak.

CHo‘chqalarni obu-havo sharoitiga qarab harorat +30⁰S yuqori bo‘lsa veterinariya vrachining ijozati bilan tashish kerak. Har bir mashinada 1 tadan kuzatuvchi bo‘lib, uzoq bo‘lsa 3-4 soat dam berilib, 2 marta sug‘orish kerak. Mashinalarni tozalash uchun oldindan kelishilgan xolda joylar tanlanadi. Agar kasallik chiыib qolsa yakindagi veterinariya idorasiga murojaat qilish kerak. Hayvonlar tushirilgandan so‘ng mashinalar 2% formaldegid eritmasi bilan dezinfeksiya qilinadi. Transport stresslarini oldini olish uchun buzoqlarga yuklashdan 10 - 15 minut oldin 5 % li askorbin kislotasidan har boshga 6 ml dan teri ostiga yuboriladi. 30 - 40 minut oldin 2,5 % li aminazin. 3,5 % li novokain eritmasidan muskul orasiga 3 ml dan hamda, 45 SB vitamin A yuboriladi.

Buzoqlarni jo‘natishdan oldin teri qoplami, tuyoqlari tozalanadi va 5 %-li formaldegid bilan ishlov beriladi. Paratif va kolibakteriozga qarshi emlanadi. Buzoqlar jo‘natishdan oldin 3-4 soat och saqlanadi. Oshqozon ichak kasalliklarini oldini olish uchun har bir bosh buzoqga 2 litrdan shilliq glyukoza qaynatmasi (125 g glyukoza 2 litr qaynatmaga) ichkiziladi. Buzoklarni maxsus mashinalarda tashiladi. Ostiga to‘shama to‘shaladi va har bir boshga 0,4 - 0,75 m²dan joy ajratiladi.