Samarqand

Musiqa tinglash: Bolalarda kichik musiqiy asarni tinglash ko‘nikmasini pado qilish. Marsh, qo‘shiq va raqs janrlari haqida ilk tasavvur paydo qilish va ularni farqlash. Musiqani mazmunan tushunishga o‘rgatish:
Musiqiy-ritmik harakatlarni bajarish: To‘p bo‘lib yengil yurish va yugurishdan sekin-asta har tarafga, to‘g‘riga, erkin-sochma, doira bo‘ylab yengil yurish va yugurishga o‘rgatish. Bolalarni 3-4 sodda va oddiy harakatlardan iborat raqslarni to‘p bo‘lib raqs tushishdan juftlikda, sochma tarzda, shundan so‘ng doiradagi raqslar ijro etishga o‘rgatish. Raqs harakatlaridan «Koptokni yuqoriga ot», «arqonni tort», «tokcha», «ko‘zguga qara», «xo‘rozcha», «maysani sila» bilan tanishtirish va ularni musiqaga mos bajarish.
Kuylash: Cholg‘u asbobi va kattalarga jo‘r bo‘lib kuylash. Tabiiy ovozda zo‘riqmasdan kuylash malakalarini shakllantirish. Kuylash vaqtida to‘g‘ri nafas olishga, avval «gulni hidlab», so‘ng kuylay boshlashga, o‘tirgan yoki turgan holatda to‘g‘ri kuylashga o‘rgatish. Qo‘shiq mazmunini tushunib kuylash bilan bir vaqtda harakatlar bajarishga o‘rgatish.
Bolalar cholg‘ularida chalishga o‘rgatish: Bolalar cholg‘ulari haqidagi bilimlarni mustahkamlash, karnay, surnay, nog‘ora bilan tanishtirish. Metallofon, uchburchak, bolg‘achada chalish usullarini o‘rgatish. Ularni tovushidan farqlay olish. Qo‘shiq, raqs va o‘yinlarda cholg‘ularni jo‘r qilish.
O‘yin: Musiqiy faoliyatlarda olingan bilimlarni o‘yinlarda namoyon bo‘lishiga erishish. Doira jo‘rligida «Chumchuqlar va mushuk», «Ayiqchalar raqsi», xalq o‘yinlaridan «Chori-chambar», «Chapak chalish», «Qaldirg‘och» kabilarni o‘ynash. Bolalarga tushunarli, qiziqarli bo‘lgan voqyeaband o‘yinlarni tashkil qilish. O‘yinda musiqaga mos harakatlanish, nutq, tasavvur va tafakkurni rivojlantirish, bolalar cholg‘ulari, o‘yinchoq va qo‘g‘irchoqlardan foydalanish.
Bolalarning mashg‘ulotlardan olgan bilimlarini rivojlantirish va mustahkamlash
maqsadida «Kuyini top», «Do‘stingni ovozidan tanib ol», «Xaltachada nima bor», «Qaysi
cholg‘u yashiringan», «Qush va qushchalar», «O‘rmonda» kabi
musiqaviy-didaktik o‘yinlarni mashg‘ulot vaqtida va mustaqil
faoliyatlari davomida gurux xonalaridagi musiqa burchaklarida tashkil etish.

4. 
   yoshli bolaning egallash lozim bo‘lgan bilim ko‘nikma va malakalar
   

-Turli hil mazmun va kayfiyatdagi musiqani tinglash, eslab qolish;
-Tinglangan kuylarni tanib olish va ularning bastakori nomini bilish.
-Kuy, qo‘shiq va raqs haqida tushunchaga ega bo‘lish.
-Karnay, surnay, nay, nog‘ora, doira kabi xalq cholg‘u asboblarini tanish va ovozidan farqlash.
-Qo‘ng‘iroqcha, shiqildoqlar, doiracha, buben, metallofon, sunaycha, bolg‘acha, uchburchak kabi bolalar cholg‘ularida chalish usullarini bilish;
-Birgalikda kuylay olish;
-Qo‘shiq kuylash bilan bir vaqtda harakatlar bajara olish.
-Harakatli o‘yinlarda faol ishtirok etish.
-Turli predmetlar bilan harakatlar bajarishni uddalash --- O‘rta yoshdagi asosiy ish reja - O‘RTA YOSh (4-5 yosh) Musiqa tinglash: Bolalarning musiqa tinglashga bo‘lgan ishtiyoqlarini qo‘llab quvatlash va rivojlantirish. Tinglangan asarninig mazmuni va harakterini ajrata olish, bu haqida suhbat qurish va o‘z ta‘surotlari bilan o‘rtoqlashishga o‘rgatish. Kuy tovush va ohanglardan tuzilishi haqida tasavurga ega bo‘lish. Bolalarni musiqiy asarning 2 va 3 qismli shakli bilan tanishtirish, qismlar o‘zgarishini farqlashga o‘rgatish, fortepiano, g‘ijjak, chang, qonun kabi cholg‘ular bilan tanishtirish, ular ijrosidagi kuylardan bahramand qilish.