Samarqand iqtisodiyot va servis instituti «Xizmatlar ko’rsatish, servis va uni tashkil etish» kafedrasi

Favqulodda vaziyatlar tug’ilganda axborotning mohiyati
Aloqa-boshqarishni ta’minlashdagi asosiy vosita hisoblanadi. Aloqasiz qolish boshqaruvsiz qolishga olib keladi.
Respublikada, viloyatda, shaharda, tumanda, vazirliklarda, davlat qo’mitalarida, idora yoki xalq xo’jalik inshootlarida FM aloqasini va xabar berishni tashkil etishga tegishli FM boshliqlari mas’uldir.
Axborotlarning o’z vaqtida berilishi va ishonchli bo’lishi juda muhim ahmiyatga ega.
Favqulodda vaziyatlardan ogohlantirish va muntazam ravishda axborotlar berib turish uchun Respublika hududlarida maxsus sistema ishlab chiqilgan, bular rasm-3.9 da keltirilgan sistema bo’yicha bajariladi. Bunday ogohlantirish va boshqa xabarlarni sistemali tezlik bilan olib boradi.
Bu prinsipning bajarilishi favqulodda vaziyatlarni oldini olish, talofatlarni kamaytirish, oqibatlarni tugatish borasida olib boriladigan tadbirlarni muvaffaqiyatli amalga oshirilishini ta’minlaydi.
Aloqa va xabar berishni ta’minlashdagi vazifalar qo’yidagilardan iborat:

1. 
   O’zRFVDT (favqulodda vaziyatlar davlat tizimi)ni komandalarini vaqtida uzatish va qabul qilish;
   
2. 
   FM bo’limlari boshliqlari, xizmatlari va kuchlari signallarini qabul qilish va bajarish;
   

Rasm-3.9. FVdan ogohlantirish va informasion sistemasi.

3. 
   FM boshqarish organlari o’rtasida pastdan yuqoriga va yuqoridan pastga axborot almashinishini ishonchli bo’lishi;
   
4. 
   FM boshqaruv organlarining xabar berish signallarini uzatish, shuningdek bu signallarni FM organlari va aholiga yetkazish.
   

Aloqa va xabar berish tizimi qo’yidagi talablarga javob berishi kerak:

• 
  barqarorligi (favqulodda vaziyatlar yuz berganda zararlantiruvchi omillarni ta’sir etish sharoitida ham ishchanligini: yashovchanligini, tashqi ta’sirga bardoshliligi, mustahkamligiga bilan harakterlanadi);
  
• 
  harakatchanligi (vujudga kelgan sharoitga mos ravishda o’z vaqtida yoyish, kengaytirish va uning strukturasini o’zgartirish qobiliyati bilan xarakterlanadi);
  
• 
  o’z vaqtida bo’lishi (signallarni, axborotlarni ko’rsatilgan vaqtda uzatish qobiliyati);
  
• 
  ishonchiligi (uzatuvchi xabarlarni o’rnatilgan aniqlikda yetib borishini ta’minlash);
  
• 
  yashirinliligi (uzatilayotgan axborotni, ma’lumotlarni va ularni uzatish joyini dushmanlardan yashirish qobiliyati).