Samarqand iqtisodiyot va servis instituti raxmatulla xaitboyev ekologik turizm

Hisor ekoturistik rayoni
ning tabiiy iqlim xususiyatlari, 
o‘simliklar olami va hayvonot dunyosi haqidagi ma’lumotlar Hisor 
davlat tabiat qo‘riqxonasi haqida yozilgan tavsiflarda keltirildi.
Aydarko‘l ekoturistik rayoni 
asosan seryog‘in bo‘lgan 
1969-yildagi suvlarning va Mirzacho‘lni paxtachilik maqsadlarida 
o‘zlashtirish natijalari, tashlama suvlarning ko‘payishi natijasida 
Aydarko‘l va Arnasoy tizimidagi ko‘llarining qo‘shilib ketishi 
va Chordara suv omboridagi ortiqcha suvlarning tashlanishi 
hisobiga yuzaga keldi. Bu ekoturistik rayonning suv bilan band 
qismi 600 ming ga. Maydon yildan yilga kattalashmoqda va 
bu kattarish ham ko‘p o‘tmasdan o‘zining salbiy oqibatlarini 
o‘zbekistonliklarning oldiga ko‘ndalang qilib qo‘yadi. Hozirda 
bu suv havzalaridan baliqchilik va xalqaro miqyosda qishlovchi 
qushlarning muhofazasi maqsadlarida foydalanilmoqda. Bu 
joyda ekoturistik infratuzilmalar yaratilgan va mahalliy, xalqaro 
ekoturistlarni qabul qilish boshlangan.
Sirdaryo ekoturistik rayoni 
asosan Sirdaryoning havzasini to‘liq 
egallaydi. Bu daryo havzasida saqlanib qolingan to‘qayzor va 
qamishzorlarda asosan baliqchilik, qisman sholichilik va qishlovchi 
qushlar ekoturistik obyektlar bo‘lib xizmat qilishi mumkin. 
Shuningdek, bu ekoturistik rayonda mahalliy ekosafari turistik 
marshrutlarini ham tashkil qilishning katta imkoniyatlari bor.
Chirchiq-Ohangaron ekoturistik rayoni
da Chotqol tog‘-o‘rmon 
Biosfera tabiat qo‘riqxonasi va Ugom-Chotqol milliy parkining 
hududlari joylashgan. Bu ikkala muhim ekoturistik obyektlarning 
tavsiflari keltirildi. Bu ekoturistik rayonning hududlarida ekoturistik 
infratuzilmalar yaratishning xalqaro talablari darajalaridagi 
inshootlari qurilmoqda va mahalliy, xalqaro ekoturistlarni qabul 
qilish boshlangan.
Farg‘ona ekoturistik rayoni
ning maydoni butun Farg‘ona 
vodiysining hududlarini qamrab oladi. Bu vodiy tabiatining 
betakrorligi, maftunkorligi va turli-tumanligi qadimdan 
dunyoga ma’lum. Aslida, insoniyat taraqqiyotining eng yuqori 
cho‘qqilariga asos solgan Buyuk ipak yo‘lining ochilishi ham 
ana shu Farg‘onamizning tabiati va uning mehnatkash, ijodkor 
xalqi bo‘lgan. Bu ekoturistik rayonda ekologik turizmni ham 
va turizmdagi barcha turlarni ham rivojlantirishning juda katta 
salohiyatlari va imkoniyatlari bor.