Samarqand iqtisodiyot va servis instituti marketing kafedrasi

10. Tovarni ishlab chiqarish va realizatsiya qilish uchun zarur bo‘lgan harajatlar hamda foyda summasidan yuqori narx qanday narx hisoblanadi?
a) demping narx.
b) tovarning monopol past narxi.
s) tovarning monopol yuqori narxi.
d) tovarni erkin bozor narxi.

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
SAMARQAND IQTISODIYOT VA SERVIS INSTITUTI
MARKETING KAFEDRASI




«MARKETING»
fanidan
MUSTAQIL MASHG’ULOTLAR VA ISHLAR


SAMARQAND 2019


1-mustaqil ish mavzusi: “Marketing asoslari” fanining predmeti, mazmuni va vazifalari
MUSTAQIL TAYYORGARLIK UCHUN TOPSHIRIQLAR:


Topshiriq 1. Marketingning asosiy maqsadi – iste’molchi ehtiyojlarini maksimal qondirishdan iborat. Samarqand shaharida joylashgan savdo, restoran va mehmonxona korxonalarining bir nechtasiga tashrif buyuring. Ularning faoliyatini tahlil qiling va ular tomonidan bu maqsadga erishish uchun qanday marketing tadbirlarini amalga oshirayotganligini aniqlang.
Ish mazmuni: Samarqand shaharidagi savdo, restoran, mehmonxona va boshqa xizmat ko‘rsatish korxonalariga tashrif buyurib, ularning marketing faoliyatini o‘rganish.
AMALIY MASLAHATLAR VA TAVSIYALAR
Talabalar marketing tushunchasi, mazmun-mohiyatini birinchi darsdan to‘liq tushuna olmaydi. Chunki, marketingni mazmun-mohiyati uning tamoyillari va funksiyalarini, maqsad va vazifalarini bilish orqali yanada oydinlashadi. Marketingni maqsadlarini amaliy jihatdan bilish uchun talabalar Samarqand shaharida joylashgan savdo, restoran va mehmonxona, shuningdek talabaning o‘z imkoniyati va qiziqishlaridan kelib chiqib boshqa korxonalarning bir nechtasiga tashrif buyuradi. Ular o‘z haridorlarining ehtiyojini qondirish uchun faoliyatida qanday marketing tadbirlarini qo‘llayotganligini aniqlaydi va reyting to‘plash uchun mustaqil ish tayyorlaydi.
Mustaqil ish talabaning o‘rgangan chakana savdo, restoran yoki mehmonxona faoliyatini aks ettirgan aniq dalil va sharhlardan iborat bo‘lishi kerak. Bozor sub’ektlarining faoliyatida yaqqol ko‘zga tashlanadigan marketing tadbirlari, marketing dastaklari qanchalik talabalar tomonidan aniqlanganligi, marketing faoliyatining mazmun-mohiyatini tushunishga ko‘maklashadi.