Samarqand davlat universiteti tabiiy fanlar fakulteti

singoriensis ni ko’rsatish mumkin. Zaharsiz o’rgimchaklardan bizda uchrovchi 
turlaridan butli o’rgimchak-Araneus diadematus, uy o’rgimchagi - Tegenaria 
domestica kabilarni ko’rsatish mumkin.  
     Tropikda  uchrovchi  to’rt  o’pkali  Janubiy  Amerika  qushxo’r  o’rgimchagi  -
Avecularia  avicularia,  uzunligi  9  sm  keladigan  YAva  qushxo’r  o’rgimchagi-
Selenocosmia javanensis ko’p tarqalgan.  
 
Kanalar  turkumi  –  Acari.  Kanalar  ancha  mayda,  ba’zi  hollarda 
mikroskopik  kattalikka  ega  bo’lgan  o’rgimchaksimonlarning  10000  dan  ortiq 
turini  o’z  ichiga  oladi.  Kanalarning  ko’pchiligi  saprofit  va  yirtqichlik  bilan 
hayot kechiradi. Lekin ularning orasida hayvonlarda, odamda va o’simliklarda 
parazitlik qiluvchi turlari ham anchaginadir.  

---

       Kanalarning  turli  guruhlarida  tanasi  turli  darajada  bo’g’imlarga  bo’lingan 
bo’ladi.  Ayrimlarining  tanasi  ko’p  sonli  bo’g’imlarga  bo’lingan  bo’lsa, 
ayrimlarini  tana  segmentlari  yaxlit  bo’lib  ketgan.  Ko’pchilik  kanalarning 
xelisera  va  pedipalplari  harakatchan  boshcha  yoki  xartumchani  hosil  qiladi. 
Ayrimlarida  xeliseralar  qisqichsimon  yoki  so’ruvchi  og’iz  organlari  tarkibiga 
kiradi.  Kanalarning  ko’pchiligi  traxeyalar  orqali  nafas  olsa,  ayrimlarida  nafas 
olish organlari umuman shakllanmagan. Kanalarning urg’ochilarini urug’lanishi 
spermatoforalar yordamida amalga oshadi. Bunday spermatoforalar erkak kana 
tomonidan  urug’  to’kish  organlari  yordamida  har  xil  substratlarga  yopishtirib 
qo’yadi.  Urg’ochi  kana  bu  spermatoforalarni  oyoqchalari  yoki  maxsus  jinsiy 
organlari  yordamida  o’ziga  oladi.  Ayrim  kanalarning  erkaklarida  haqiqiy 
qo’shilish  organi  shakllangan.  Urug’langan  tuxumdan  uch  juft  oyoqlarga  ega 
bo’lgan  lichinka  chiqadi.  U  rivojlanib,  jinsiy  voyaga  yetmagan  bosqich  - 
nimfaga  aylanadi.  Uning  4  juft  oyoqlari  bo’ladi.  Nimfa  2  yoki  3  marta  po’st 
tashlab, voyaga yetadi.  
     Kanalar  har  xil  sharoitlarda  yashashga  moslashgan.  Masalan,  Oribitidae 
oilasining  vakillari  tuproqda,  Gamasoidea  oilasining  vakillari  ayrimlari  erkin 
hayot  kechirsa,  ba’zilari  parazitlikka  moslashgan.  Kanalarning  gidraxnellalar