Samarqand davlat universiteti tabiiy fanlar fakulteti

Qushlarning ko’payishi va taraqqiyoti bo’yicha material to’plash   
 
Ba’zan  qushlarni  sistemaga  solishda  va  biologik  xususiyatlarini 
o’rganishda ularning tuxumlarini yig’ib kolleksiya qilish mumkin.  
 
Qushlarning  tuxumini  yig’ish  uchun  avvalambor  tuxum  qaysi  turga 
mansub  ekanligini  aniqlash  kerak.  Agar  tuxumni  aniqlashning  iloji  bo’lmasa, 
shu qushdan bir-ikki donasi tutib olinib, tiqma tayyorlanadi. 
 
Uyasi  bilan  olingan  tuxumlarni  ilmiy  ahamiyati  katta  bo’ladi.  Lekin 
bunday  kolleksiyalar  to’plashga  ko’p  ham  berilmaslik  kerak.  To’plangan 
tuxumlarni o’lchamlari olinadi va rangi yoziladi. 
 
To’plangan  tuxumlarga  tegishli  ishlov  beriladi.  Buning  uchun  umumiy 
asboblardan tashqari tuxum po’slog’ini teshish uchun parma va tuxum ichidagi 
eritmani tortib oluvchi naycha talab qilinadi. Parma o’rniga har xil kattalikdagi 
mixlardan foydalanish mumkin. 
 
To’plangan  tuxumning  ichidagi  suyuqligi  tortib  olinadi.  Buning  uchun 
tuxumni  yon  tomonidan  teshik  qilinadi.  Shu  teshikdan  tuxumning  ichidagi 
suyuqlik  tortib  olinadi.  Teshikning  diametri  naycha  diametridan  bir  oz  katta 
bo’lishi kerak.