Samarqand davlat universiteti maktabgacha ta’lim fakulteti

Mariya Montessori uslubi qisqacha:

• 
  Har bir bola o'z faoliyat turini tanlaydi. Bola o'z ichki dunyosini tinglashni, hozirgi paytda unga qiziq bo'lgan narsalarni tushunishni o'rganadi.
  
• 
  Bolaga nisbatan ko`makni kamaytirish. Faqat bola hohlagandagina unga yordam berish kerak. Chunki mustaqillik bolani o'z qobiliyatlariga ko'proq ishontiradi, shaxsiy yutuqlarini munosib baholashga o'rgatadi.
  
• 
  Bolalar maxsus ravishda uyushtirilgan muhitda o'sadi va o'rganadilar. Didaktik material har bir bola uchun erkin bo'lishi kerak. Hamma rioya qilish kerak bo'lgan qoidalar mavjud.
  
• 
  Turli yoshdagi bolalarni bir guruhga o'rgatish. Mariya Montessori bolalarni yoshga qarab ajratish, qandaydir faoliyat turiga birlashtirish g'ayritabiiy va samarasiz deb hisobladi. Bu ham katta yoshdagi, ham kichik yoshlilar uchun juda yaxshi. Kichik bolalar katta yoshdagi bolalarga jalb qilinadi, katta bolalar esa bu yerda yordam beradi. Katta yoshdagi bolalar yoshlariga dars berishadi. Shu bilan birga, ularning o'zlari yoshlarga g'amxo'rlik qilishni o'rganadilar. Kichik yoshli bolalar kattalaridan ibrat olishadi. Birgalikda ular bir-biri bilan munosabatda bo'lishni, sabr-toqat va moslashuvchanlikni, yordam so'rashni va berishni o'rganadilar. Bunday shaxslararo ko'nikmalar bolaning hissiy sohasini rivojlantirishda bebahodir. Montessorining har bir guruhida turli yoshdagi bolalar bo'lishi kerak, chunki hayotda biz faqat bitta yoshdagi odamlarni uchratmaymiz. Ushbu tamoyil bolalarda ijtimoiy ko'nikmalarni rivojlantirishning eng yaxshi usuli hisoblanadi. Bolalarni o'qitishga, hamkorlik qilishga va bir-birlariga yordam berishga chorlash, o'zaro yordam hissi, javobgarlik shakllanadi.
  
• 
  O'quv materiallari bolaning xatosini mustaqil ravishda topishi va tuzatishi uchun mo'ljallangan.
  
• 
  Yaxshi yoki yomon bolalar yo'q. Bolaning yutuqlari faqat oldingi natijalar bilan solishtirilishi mumkin.
  
• 
  Barcha bolalarda bilimga qiziqish mavjud bo'lib, uni saqlab qolish juda muhimdir.